یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا ئیبراهیم سۆفی ماوەتی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی پارێزگای هەولێر سەردانی مەکتەبی تەنفیزی یەکێتی زانایان دەکات    *****    *****   وەزیری هەرێم بۆ کاروباری پێکهاتەکان سەردانی مەکتەبی تەنفیزی یەکێتی زانایان دەکات    *****    *****   ئەمینداری گشتی یەکگرتووی ئیسلامی کوردستان پیرۆزبایی لە یەکێتی زانایان دەکات    *****    *****   بە بۆنەی ساڵیادی دامەزراندنیەوە مەکتەبی تەنفیزی یەکێتی زانایانی مەراسیمی پێشوازی میوانان بەرێوە دەچێت    *****    *****   سه‌رۆكی په‌رله‌مانی كوردستان سه‌ردانی یه‌كێتیی زانایانی ئاینیی ئیسلامیی كوردستان ده‌كات    *****    *****   وەزیری ئەوقاف و کاروباری ئایینی بە نوێنەرایەتی سەرۆکی حکومەتی ھەرێم سه‌ردانی یه‌كێتی زانایان ده‌كات    *****    *****   پەیامی پیرۆزبایی سەرۆکی حکومەتی هەرێمی کوردستان لە یادی پەنجاو یەک ساڵەی دامەزراندنی یەکێتی زانایانی ئایینی ئیسلامیی کوردستان    *****    *****   لە پەیامێکدا سەرۆکی ھەرێمی کوردستان پيرۆزبايى له‌ يه‌كێتيى زانايان ده‌كات    *****    *****   پەیامی سەرۆك بارزانی بە بۆنەی پەنجا و یەكەمین ساڵیادی دامەزراندنی یەكێتیی زانایانی ئایینی ئیسلامیی كوردستان    *****    *****   مامۆستا مەلا ئەحمەدی سیوەیلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   وەزیری ئەوقاف و کاروباری ئایینی و سەرۆکی یەکێتی زانایانی لەگەڵ مامۆستایانی ئایینی قەزای شقڵاوە کۆبوونەوە   
روونكرنه‌وه‌ی یه‌كێتی زانایان ده‌رباره‌ی دۆخی كه‌ركوك
به‌رواری دابه‌زاندن: 16/10/2017 : 11:01:45
قه‌باره‌ی فۆنت

به‌ناوی خوای به‌خشنده‌ی میهره‌بان

ئێمه‌ وه‌ك زانایانی ئایینی هه‌رێمی كوردستان قه‌ت چاوه‌ڕوانی ئه‌وه‌مان نه‌ده‌كرد، كه‌ حكومه‌تێك هه‌میشه‌ لافی مسوڵمانێتی لێبدات و خۆی به‌ پابه‌ندی مه‌رجه‌عیه‌ت پیشان بدات، ده‌ستی زوڵم و خوێناویان بۆ خه‌ڵكی كوردستان درێژ بكه‌ن، به‌ڵام دیاره‌ مێژوو هه‌میشه‌ وه‌ك خۆی دووباره‌ ده‌كه‌نه‌وه‌، كه‌ به‌درێژایی ده‌یان ساڵی رابردوو هه‌میشه‌ حكومه‌ته‌ یه‌ك له‌ دوایه‌كه‌كانی عێراق له‌ هه‌ر ده‌رفه‌تێك بۆیان ره‌خسابێت خۆیان له‌ كوشت و بڕو داگیركردنی خاك و خه‌ڵكی كوردستان نه‌گرتووه‌.

لێره‌وه‌ به‌ هه‌موو خه‌ڵكی كوردستان و هێزه‌كانی پێشمه‌رگه‌ی كوردستانی راده‌گه‌یه‌نین، كه‌ خۆزگه‌ ئه‌م دۆخه‌ به‌ هیچ جۆرێك رووی نه‌ده‌دا، به‌تایبه‌تی كه‌ هێشتا برینه‌كانی شه‌ڕی داعش و فرمێسكی دایكه‌كان وشك نه‌بوونه‌، به‌ڵام كاتێك زوڵمات لێده‌كرێت به‌ هیچ جۆرێك دوودڵ نه‌بن له‌ به‌رگریكردن له‌ خاك و شه‌ڕه‌ف و گیانی هاووڵاتیانی كوردستان چونكه‌ ئێوه‌ ده‌ستپێخه‌رنه‌بوونه‌ له‌ شه‌ڕه‌كه‌ به‌ڵكو ئه‌وه‌ خه‌ڵكی تره‌ ده‌ستی زوڵمتان بۆ درێژ ده‌كات، بۆیه‌ ئه‌وه‌ی ئێوه‌ ده‌یكه‌ن به‌رگریكردنێكه‌و ئه‌ركێكی ئایینی و نیشتیمانییه‌، ئه‌مه‌ش له‌ هه‌موو ئاین و یاسا زه‌مینه‌كانیش رێگه‌پێدراوه‌.

بێگومان ئۆباڵی ئه‌م خوێنڕشتن و وێرانكارییه‌ به‌ پله‌ی یه‌كه‌م له‌ ئه‌ستۆی حكومه‌تی عێراق دایه‌ كه‌ ته‌نیا له‌به‌ر ئه‌وه‌ی خه‌ڵكی كوردستان گوزارشتیان له‌ رای خۆیان كردووه‌، ئه‌م ده‌ستدرێژییه‌ ده‌ستپێكردووه‌، هه‌روه‌ها به‌شێكی دیكه‌ی سه‌ره‌كی ئۆباڵه‌كه‌ له‌ ئه‌ستۆی هه‌موو ئه‌و مه‌رجه‌ع و شێخ و مه‌لاو ناوه‌نده‌ ئیسلامیانه‌ دایه‌ كه‌ هانی حكومه‌تی عێراقیان دا بۆ درێژكردنی ده‌ستی زوڵم بۆ سه‌ر خه‌ڵكی كوردستان و ده‌ستگرتن به‌سه‌ر خاك و ماڵ و سامانه‌كه‌یان.

له‌ كۆتاییدا داوا له‌ حكومه‌تی عێراق ده‌كه‌ین به‌ هه‌ستێكی مسوڵمانانه‌و مرۆڤانه‌ مامه‌ڵه‌ بكه‌ن و واز له‌ شه‌ڕو كوشتار بهێنن و بێنه‌ سه‌ر مێزی گفتوگۆ، بۆ ئه‌وه‌ی به‌ رێگه‌ی دیالۆگ و ئاشتیانه‌ كۆتایی به‌ كێشه‌كان بێت و چاره‌سه‌ری بنه‌ڕه‌تی بۆ بدۆزرێته‌وه‌. هه‌روه‌ها داوا له‌ ئه‌نجومه‌نی ئاسایش و نه‌ته‌وه‌ یه‌كگرتووه‌كان و كۆمه‌ڵگه‌ی نێوده‌وڵه‌تی و ناوه‌نده‌ ئیسلامیه‌كان ده‌كه‌ین بێنه‌ سه‌ر خه‌ت، چونكه‌ ئه‌م شه‌ڕه‌ ده‌ره‌نجامی ره‌تكردنه‌وه‌ی به‌غدایه‌ بۆ ویستی راده‌ربڕین و ژیانێكی ئازادانه‌و شه‌ڕه‌فمه‌ندانه‌، كه‌ ئه‌مه‌ش كه‌مترین مافی مرۆڤه‌ له‌ ئایینه‌ ئاسمانی و یاسا نێوده‌وڵه‌تییه‌كان.

 

یه‌كێتی زانایانی ئایینی ئیسلامی كوردستان

16/10/2017