یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   میسڕ: شاندی زانایانی هه‌رێمی كوردستان؛ سه‌ردانی ژماره‌یه‌ك شوێنه‌واری ئاینی و گه‌شتیاری ده‌كه‌ن    *****    *****   لقی هه‌ولێری یه‌كێتی زانایان؛ پرسه‌نامه‌یه‌ك ئاڕاسته‌ ده‌كات    *****    *****   یەکێتی زانایان کتابێک لەسەر کردەوە خۆکوژیەکان ئامادەی چاپ دەکات    *****    *****   سەرۆکی ئەنجومەنی باڵای فەتوا: فەتوا ئەركێكی زۆر مەترسیدارو قورسەو ناكرێت هەركەسە بۆ خۆی فەتوا بدات    *****    *****   ئەنجومەنی باڵای فەتوا: حوکمی سەرکەوتنی ئافرەت بە تەنها لەگەڵ شوفێری تەکسی روون دەکاتەوە    *****    *****   ئەنجومەنی باڵای فەتوا: حوكمی سپیكردنی ئاردو جیاوازی كێشی به‌رهه‌مه‌ خۆراكیه‌ له‌كیسكراوه‌كان له‌ زستانان و هاویناندا روون دەکاتەوە    *****    *****   ئەنجومەنی باڵای فەتوا: حوكمی جه‌مع كردنی قوتابیان بۆ نوێژه‌كانیان له‌ كۆلێژو په‌یمانگه‌و قوتابخانه‌كان روون دەکاتەوە    *****    *****   یەکێتی زانایان لە کۆبوونەوەی فراوانی سەرکردایەتی خۆیدا کۆمەڵێک پرسی گرنگ تاوتوێ دەکات    *****    *****   ناونیشانی وتاری ئەم هەفتەیە    *****    *****   سەرۆکی یەکێتی زانایان پێشوازی لە شاندێکی زانایانی لوبنان دەکات    *****    *****   سەرۆکی یەکێتی زانایان: هەر پرۆژەیەک لەخزمەتی خیتابی ئایینی دابێت پشتیوانی دەکەین    *****    *****   لقی سلێمانی یەکێتی زانایان بەشداری کردنەوەی مزگەوتی گوندی کەندە شینە دەکات   
یەکێتی زانایان سەبارەت بە بەرنامە ئایینەکان روونکردنەوەیەك بڵاو دەکاتەوە
به‌رواری دابه‌زاندن: 13/05/2019 : 17:48:39
قه‌باره‌ی فۆنت

یەکێتی زانایان سەبارەت بە بەرنامە ئایینەکان روونکردنەوەیەك بڵاو دەکاتەوە

بەناوی خوای گەورەو میهرەبان

لەگەڵ هاتنی مانگی رەمەزان زۆرێک لە کەناڵەکان بەرنامەی ئایینی پێشکەش دەکەن و زۆرێکیش لە مامۆستایانی ئایینی بەژداری بەرنامەکان دەکەن، کە تا ئێرە جێی دەستخۆشی و پێزانینە، بەڵام ئەوەی تێبینی دەکەین هەندێ جار بابەت و بەرنامەکان ئامانجی خزمەتکردن ناپێکن و بگرە دەبنە مایەی دروستکردنی ئاڵۆزی و دڵەڕاوکێ و وروژاندنی هەندێ شت، کە لەگەڵ سروشتی کۆمەڵگەو چوارچیوە کۆمەڵایەتیەکان یەکناگرێتەوە، ئەمەش نیگەرانی بەدوایخۆیدا دێنێت و هاوڵاتیانیش ناگەنە هیچ درەنجامێکی روون و یەکلاکەرەوە.

لەو سۆنگەوە بە پێویستمان زانی بۆ راگەیاندنەکان و بەتایبەت بەرچاو روونی مامۆستایانی بەرێزی ئایینی ئەو پەیامە بگەیەنین:

یەکەم: تکا دەکەین لە دەزگاو کەناڵەکانی راگەیاندن بەتایبەت بەرنامەکانی ئایینی بەئاراستەی واقعی کۆمەڵگەی کوردی و بەرەچاوکردنی هەستی دینداری و پاراستنی ئاشتەوایی کۆمەڵایەتی خزمەت بکەن، شتێک نەوروژێنن لەجیاتی خزمەت ببێتە هۆی نیگەرانی و کاردانەوەی نێگەتیڤ و ناتەندروست، ئەمە لە کاتێکدایە ئێمەی کورد هیچ کاتێك گرفت و کێشەو ئاریشەی ئایینیمان نەبووە، کێشەی ئێمە لەگەڵ بیری تووندڕەوی بووە، بۆیە ناکرێ ئایین کە مایەی ئارامی کۆمەڵگەیە بکرێتە ئامانج و نیگەرانی دروست بکات.

دووەم: پێویستە مامۆستایانی ئایینی لەکاتی بەژداری کردنی بەرنامەکان رەچاوی لایەنی پیشەیی و پێگەیان بکەن و بەپێی پێوەرە گشتی و پەیوەستەکانی کاری مەلایەتی لە گەیاندنی پەیام و رێنمایی و ئەحکامە جوانەکانی ئیسلام بەو ئاراستە زانستیە هەنگاو بنێن کە گەورە زانایانمان چوارچێوەیان بۆ دارشتووە. پێویستە خۆیان بەدوور بگرن لە فەتوادان و ئیجتیهادی میزاجی و مکوڕ بوون لەسەر بۆچونێک کە راجیایی زانایانی زۆر لەسەرە، چونکە هەر هەڵەیەک وەک گوتراوە (خطأ الفرد ينعكس على الجماعة) بەزۆر دەکەوێت لەسەر هەموو لایەک.

 

یەکێتی زانایانی ئاینی ئیسلامی کوردستان

13/5/2019