لقێ‌ دهوكێ‌ یێ‌ زانایان ب هه‌لكه‌فتا بیره‌وه‌ریا 41سالیا دامه‌زراندنا ئێكه‌تیا زانایان ئاهه‌نگه‌كێ‌ دگێریت.

لروژا چوارشه‌مبی رێكه‌فتی /21/9/2011 :- ب هه‌لكه‌فتا بیره‌وه‌ریا 41سالیا دامه‌زراندنا ئێكه‌تیا زانایێن ئایینی ئیسلامی كوردستان لقا ئێكه‌تیا مه‌ رابو ب رێكخستنا ئاهه‌نگه‌كا ژ هه‌ژی بڤێ‌ هه‌لكه‌فتا دێرین هه‌روه‌ها رابو ب به‌رهه‌ڤكرنا ئاهه‌نگه‌كا تایبه‌ت لدور ڤێ‌ هه‌لكه‌فتێ‌ لهولا باره‌گایێ‌ لقا مه‌ بئاماده‌بونا نوینه‌رێن پارێزگه‌رێ‌ دهوكێ‌ ولقێ‌ ئێكێ‌ خه‌باتكه‌ر پ د ك ومه‌لبه‌ندێ‌ 4ێ‌ بادینان ومه‌لبه‌ندێ‌ 3 یه‌كگرتوی ئیسلامی كوردستان وكومه‌لا ئیسلامی وبه‌رپرسێن رێكخراوێن جڤاكی مه‌ده‌نی وحزبی وپیشه‌یی ورێڤه‌به‌رێن دام وده‌زگه‌هیێن میری لپارێزگه‌هێ‌ ، لده‌سپێكا ڤێ‌ ئاهه‌نگێ‌ ب خاندنا سوره‌تا فاتیحێ‌ لسه‌ر گیانێ‌ پاكێ‌ شه‌هیدێن كورد وكوردستانێ‌ ولسه‌ر گیانێ‌ دامه‌زرێنه‌رێ‌ ئێكه‌تیا زانایان (مه‌لا مصتفی بارزانی) خودێ‌ لێ‌ خوشبیت .
لدیڤدا خواندنا چه‌ند ئایه‌تێن قورئانا پیروز : هاتنه‌ خواندن ژلایێ‌ (ملا شڤان حمودی)ڤه‌.
پاشی په‌یڤا بخێرهاتنێ‌ : هاته‌ خواندن ژلایێ‌ رێزدار (ملا انس محمد شریف دوسكی) ڤه‌.
لدیڤدا په‌یڤا رێڤه‌به‌ریا ئه‌وقافا دهوكێ‌ : هاته‌ خواندن ژلایێ‌ رێزدار (نصرت محمد حسن) ڤه.
هه‌روه‌ها رێزلێئینان بو هنده‌ك ماموستایێن ئایینی دیاری لسه‌ر چه‌ند ماموستایێن روله‌كێ‌ به‌رچاڤ هه‌ی هاتنه‌ دابه‌شكرن .
هه‌ر بڤێ‌ هه‌لكه‌فتێ‌ وه‌رزه‌كێ‌ ره‌وشه‌نبیری هاته‌ به‌رهه‌ڤكرن وبڤی ئاوایی بو :
1. لروژا چارشه‌مبی 21/9/2011 :
لده‌مژمێر 30ر11 كوره‌ك بو رێزدار (د0 فرست مرعی) لژێر ناڤ ونیشانێن
[بارزانیێ‌ نه‌مر ودامه‌زراندنا ئێكه‌تیا زانایان ]
2. روژا پێنچ شه‌مبی 22/9/2011 :
لده‌مژمێر 10 سپێدێ‌ هه‌تا 30ر10 : كوره‌ك بو رێزدار (د. محمد زكی)
لسه‌ر [رولێ‌ زانایێن كورد دئاڤاكرنا شارستانیه‌تا ئیسلامی دا]
لده‌مژمێر 30ر10 هه‌تا 35ر10 پارچه‌ هوزانه‌ك هاته‌ پێشكێشكرن ژلایێ‌ ماموستایێ‌
هێژا (ملا عصمت اسلام) ڤه‌.
لده‌مژمێر 35ر10 هه‌تا 11 بێنڤه‌دان .
لدمژمێر 11 هه‌تا 30 ر11 كوره‌ك بو رێزدار (د.مصلح صالح ملا نبی)
لژێر ناڤ ونیشانێ‌ سالوخه‌تێن گوتاربێژێ‌ سه‌ركه‌فتی .