دانا مه‌لا حه‌مه‌ئه‌مین – گه‌رمیان :
به‌مه‌به‌ستی به‌سه‌ركردنه‌وه‌ی و هه‌وال پرسینی پاشه‌ ئه‌وه‌ی له‌لایه‌ن هیزیكه‌وه‌ ده‌ستگیر كرا شاندیكی لقی گه‌رمیانی یه‌كیتی زانایانی ئاینی ئیسلامی كوردستان كه‌ پیكهاتبوو له‌ به‌ریزان مامۆستا مه‌لا حه‌مه‌ئه‌مین كه‌لاری ئه‌ندامی مه‌كته‌بی ته‌نفیزی و به‌رپرسی لقی گه‌رمیان و به‌رپرس و چه‌ند ئه‌ندامیكی ناوچه‌ی خانه‌قین له‌ قه‌زای خانه‌قین سه‌ردانی مامۆستا مه‌لا زیاد ی ئه‌ندامی ئه‌نجومه‌نی پاریزگای دیاله‌یان كرد له‌سه‌ر لیستی هاوپه‌یمانی كوردستان .


سه‌ره‌تا به‌رپرسی لق به‌ناوی یه‌كیتی زانایانه‌وه‌ ده‌ستخۆشی له‌ ئه‌ندامانی كوردی ئه‌نجومه‌نی پاریزگاكه‌ كرد كه‌ كه‌م تا زۆر توانیویانه‌ به‌رگری له‌ مافه‌كانی میلله‌ته‌كه‌مان بكه‌ن و ناخۆشحالی خۆیی و یه‌كیتی زانایانی بۆ ده‌ستگیر كردنی ناوبراو ده‌ربری و پشتگیری و پشتیوانی بۆ دووپاتكرده‌وه‌ ، له‌ به‌رامبه‌ریشدا مامۆستا مه‌لا زیاد سوپاسی شاندی لقی گه‌رمیانی یه‌كیتی زانایانی كرد بۆ به‌سه‌ركردنه‌وه‌كه‌یان و به‌گه‌رمی به‌خیری هینان.