دانا مه‌لا حه‌مه‌ئه‌مین - گه‌رمیان :
سه‌ر له به‌یانی ئه‌مرۆ پینج شه‌ممه به‌رواری 29/12/2011 به‌سه‌رپه‌رستی مامۆستا مه‌لا حه‌مه‌ئه‌مین كه‌لاری لیپرسراوی لق و ئاماده‌بوونی كارگیرو ئه‌ندامانی لق و به‌رپرسی لیژنه ناوچه‌كانی لق لقی گه‌رمیانی یه‌كیتی زانایانی ئاینی ئیسلامی كوردستان له باره‌گای لق كۆبوونه‌وه‌ی ئاسایی مانگانه‌ی خۆی ئه‌نجامدا
سه‌ره‌تای كۆبوونه‌وه‌كه به‌خویندنه‌وه‌ی چه‌ند ئایه‌تیك له قورئانی پیرۆز ده‌ستی پیكردو پاشان به‌رپرسی لق تیشكی خسته سه‌ر وه‌زعی سیاسی و ئاینی ئیستای كوردستان به تایبه‌ت روداوه‌كانی ناوچه‌ی بادینان و ئه‌نجامی لیژنه‌كانی ئه‌و روداوانه‌و سه‌لماندنی بی لایه‌نی زانایانی ئاینی تیایدا ،دواتر چه‌ند ته‌وه‌ریك قسه‌و باسی پیویستی له باره‌وه كرا به تایبه‌ت به‌ریكردنی سالیكی خزمه‌ت و چۆنیه‌تی كاركردن له سالی داهاتوو پاشان به‌رپرسی لق تیشكی خسته سه‌ر وه‌زعی ناوخۆیی یه‌كیتی زانایان به گشتی وله ده‌ڤه‌ری گه‌رمیان به تایبه‌تی دواتر راپۆرتی لیژنه ناوچه‌كان خوینرایه‌وه و گفتووگۆی پیویستی له باره‌وه كرا و پیشنیارو داواواكارییه‌كان خرایه به‌رباس و پیداچونه‌وه و بریاری پیویستی له باره‌وه درا و كۆبونه‌وه‌كه كۆتایی پیهینرا... | 