راگه‌یاندنی لقی سۆران
رۆژی 4/12/2012سێ شه‌ممه‌ شاندێكی لقی سۆران به‌سه‌ر په‌رشتی مامۆستا مه‌لا مسته‌ فا باپشتی به‌رپرسی په‌یوه‌ندیه‌كانی لق ،به‌یاوه‌ری به‌رێز مامۆستا مه‌لا وه‌یسی مه‌لا سه‌عید به‌رێوه‌به‌ری ئه‌وقافی سۆران ،هه‌ریه‌ك له‌ناوچه‌ی (پ.د.ك) وكۆمیته‌ی (ی.ن.ك) یان له‌ناحیه‌ی سمیلان به‌سه‌ركردنه‌وه‌ ،

ئه‌مه‌و له‌هه‌ردوو سه‌ردانه‌كاندا رۆلی زانایان وچالاكیه‌ ئاینیه‌كانی ده‌ڤه‌ره‌كه‌ به‌رزنرخێنراو ،ته‌ئكید له‌سه‌ر هه‌ماهه‌نگی وهاوكاری نێوانیان كرایه‌وه‌ .

هه‌روه‌ك له‌ته‌ورێكی دانیشتنه‌كاندا بارو دۆخی ئه‌مرۆی كوردستان وسه‌رهه‌لدانی كێشه‌كانی ناو عیراق وناوچه‌كه‌ گفتو گۆیان له‌سه‌ركراو،هه‌روه‌هاپاراستنی ره‌وشی ئارامی هه‌رێمی كوردستانیش كرایه‌ خالێكی تری ناودانیشتنه‌كان ،

شایه‌نی وتنه‌ هه‌ریه‌ك له‌به‌رێزان دكتۆریاسن به‌رپرسی ناوچه‌ی پارتی و، مه‌لا حسین ماوانی لێپرسراوی نوێی كۆمیته‌ی یه‌كێتی ،خۆشحالبوون به‌و سه‌ردانه‌و هیوایان خواست كه‌یه‌كێتی زانایان ومامۆستایانی ئاینی هه‌میشه‌ خالی به‌هێزبن له‌ به‌رقه‌راركردنی ته‌بای ویه‌كریزی له‌ نێوان سه‌رجه‌م لایه‌نه‌ سیاسی وپێكهاته‌كانی كوردستان ورێكخستنه‌وه‌ی نێو مالی كورد.