به‌ یاوه‌ری مامۆستا مه‌لا عبدالله مه‌لا سعید سه‌رۆكی یه‌كێتی زانایانی ئایینی ئیسلامی كوردستان مامۆستا محمد موراد خه‌زنه‌وی كوڕی شه‌هید مامۆستا مه‌عشوق خه‌زنه‌وی زانای گه‌وره‌و به‌ناوبانگی ڕۆژئاوای كوردستان سه‌ردانی وه‌زاره‌تی ئه‌وقاف و كاروباری ئایینی حكومه‌تی هه‌رێمی كوردستانیان كردو له‌لایه‌ن كامیل حاجی علی وه‌زیری ئه‌وقاف و گه‌وره‌ به‌رپرسانی وه‌زاره‌ته‌وه‌ پێشوازیكران ، له‌ دیدارێكدا مامۆستا خه‌زنه‌وی خۆشحاڵی خۆی بۆ سه‌قامگیری ئایینی هه‌رێمی كوردستان

ده‌ربڕی و ته‌ئكیدی له‌سه‌ر ڕۆڵی زانایانی ئایینی كورد له‌ پێشكه‌وتنی دۆزی ڕه‌وای میلله‌ته‌كه‌مان كرد، وه‌زیری ئه‌وقافیش له‌لای خۆیه‌وه‌ خۆشحاڵی بۆ ئه‌م سه‌ردانه‌ی نه‌وه‌ی مامۆستای شه‌هید (مه‌عشوق خه‌زنه‌وی ) ده‌ربڕی و ته‌ئكیدی كرده‌وه‌ كه‌ (مه‌عشوق خه‌زنه‌وی) یه‌كێك بوو له‌و كه‌ڵه‌ زانایانه‌ی كه‌ له‌مێژووی نه‌ته‌وه‌ی كورددا هه‌میشه‌ به‌ ووشه‌ی زێڕین ناوی ده‌هێنرێت و خانه‌واده‌ی خه‌زنه‌وی به‌ دروشمی خه‌باتی ئایینی و نه‌ته‌وه‌یی كورد له‌ ڕۆژئاوای كوردستان ده‌ناسرێن ، شایانی باسه‌ ڕژێمی سوریا ساڵی 2005 دوای ئه‌وه‌ی مامۆستای ناوداری كورد مه‌عشوق خه‌زنه‌وی له‌سه‌ر هه‌ستی نیشتمانی و كوردایه‌تی ده‌ستگیركرد ، دوای ئه‌شكه‌نجه‌دانێكی زۆر بڕیاری له‌ سێداره‌دانی داو له‌ به‌رواری 1/6/2005 فه‌رمانی له‌سێداره‌دانه‌كه‌ی جێبه‌جێكرد .