سوهێر ره‌مزی خانمه هونه‌رمه‌ندی میسری، كه ئێستا حیجابی پۆشیوه، ده‌ڵێت: هه‌ست به شه‌رمه‌زاری ده‌كه‌م‌و، هه‌ر كاتێك دیمه‌نه (خراپه‌كانی) فیلمه كۆنه‌كانم ده‌بینمه‌وه هه‌ست به په‌شیمانی‌و غه‌مخواردن ده‌كه‌م، زۆریش په‌شیمانم له‌وه‌ی دایكایه‌تیم كرده قوربانی خۆپه‌رستی‌و حه‌زكردنم له ده‌ركه‌وتن‌و بوونم به ئه‌ستێره.
روونیشی ده‌كاته‌وه، كه له‌سه‌ر ده‌ستی مامۆستای خوالێخۆشبوو شێخ محه‌مه‌د مته‌وه‌لی شه‌عراوی فێری ئایین بوومه، كه هه‌میشه غه‌مه‌كانی سووك ده‌كردم.
له دیمانه‌یه‌كی ته‌له‌فزیۆنی نایل لایف سوهێر ده‌ڵێت: خۆپه‌رستی من گه‌یشته ئه‌و ئاسته‌ی سوهێر ره‌مزی هونه‌رمه‌ندم پێ له دایكایه‌تی باشتر بێت، ئه‌گه‌رچی زۆر ئاشقی منداڵانیشم، به‌ڵام دونیا فریوی دام‌و، ئێستاش وا باجی هه‌ڵه‌كانم ده‌ده‌م.
سوهێری 120 فیلمی هه‌یه، به‌ڵام ئه‌و ته‌نها له 20 فیلمی رازیه، باسی له‌وه‌ش كرد، له‌و كاته‌ی فیلمه‌كانی خۆی ده‌بینێته‌وه، بێزی له خۆی ده‌بیته‌وه‌‌و، هه‌ست به غه‌م‌و شه‌رمه‌زاری ده‌كات.
| 
