بەداخ و پەژارەیەکی زۆرەوە ئێوارەی دوێنێ ۳٠-٦-۲٠۱۸ زاناو خواناس و کەسایەتی ئایینی و کۆمەڵایەتی ناسراوی دەڤەری سۆران و باڵەکایەتی مامۆستا مەلا عبدالرحمن وەرتی کۆچی دوایی کرد. به بۆنەوە مەکتەبی تەنفیزی یەکێتی زانایان پرسەنایەک ئاراستەی زانایان و خانەوادەی خوالێخۆشبوو دەکات، ئەمەی خوارەوە دەقەکەیەتی:

بەناوی خوای گەورە و میهرەبان

خانەوادەی مامۆستا مەلا عبدالرحمن وەرت

زانایانی بەڕێزی ئایینی

وێڕای رازیبوون بەقەدەری ئیلاهی، ئێوارەی دوێنێ 30-6-2018 مامۆستا مەلا عبدالرحمان خدر وەرتی، کەسایەتی دیاری ئایینی و کۆمەڵایەتی و زاناو خواناس و مودەریس کۆچی دوایی کرد.

خوالێخۆشبوو خزمەتێکی زۆری ئایینی ئیسلام و زانستە شەرعیەکان کردوەو لەڕووی هەستی نەتەوەیی و نیشتمانیشەوە خاوەنی هەڵوێست و دڵسۆز بووە، بۆیە لەدەستدانی خەسارەتێکی گەورەیەو کەلێنێکی دیاریشە لە ناوچەکە.

لێرەوە هاوخەمی و پرسە و سەرەخۆشی لە خۆمان و خانەوادەی مەرحوم و خەڵکی وەرتەو باڵەکایەتی دەکەین و لەخوای گەورە داواکارین سەبووری هەموو لایەک بدات و جێگەی مامۆستای رەحمەتیش بەهەشتی بەرین بێت.

انا اللە وانا الیە راجعون

یەکێتی زانایانی ئایینی ئیسلامی کوردستان

 ۱-۷-۲٠۱۸