ئەمرۆ 13ی8ی2019 دوایی ململانێکی زۆر لەگەڵ نەخۆشی مامۆستا مەلا حسن وەڵزی کۆچی دوایی کرد، بەو بۆنەوە یەکێتی زانایانی ئایینی ئیسلامی کوردستان پرسەنامەیەک ئاراستەی خانەوادەکەی دەکات و ئەمەی خوارەوە دەقەکەیەتی:

بەناوی خوای بەخشندەی میهرەبان

خانەوادەی بەرێزی خوالێخۆشبوو مامۆستا مەلا حسن وەڵزی

بەداخەوە ئەمرۆ هەواڵی کۆچی دوایی (مامۆستا مەلا حسن وەڵزی)مان پێگەیشت، کە تێکڕای تەمەنی لە خزمەتی ئایینی پیرۆزی ئیسلام و موسڵمانان خەرج کردو لە کاری بانگەوازی و پێگەیاندن و پەروەردەکردنی رۆڵەی ئاینپەروەر رۆڵی دیارو بەرچاوو بوو.

مامۆستا وێرای ئەوەی مامۆستای ئایینی بوو، لەهەمان کات کەسایەتیەکی دیاری باڵەکایەتی بوو، قسەخۆش و بەرێزو کۆمەڵایەتی و لە ئاشتەوایی و چارەسەری کێشە کۆمەڵایەتیەکان خەمخۆر بوو، لە خولی پێنجەمی یەکێتی زانایان کارگێری لقی هەولێری یەکێتی زانایان بوو.

بەو بۆنەوە پرسەو سەرەخۆشی لەخۆمان و زانایان و تەواوی خانەوادەو کەس و کاری و دۆستانی دەکەین، لەخوای گەورە داواکارین جێگەی مامۆستا مەلا حسن وەڵزی بەهەشتی بەرین بێت و سەبرو ئارامیش بە خانەوادەی ببەخشێت.

انا لله وانا الیه راجعون

یەکێتی زانایانی ئایینی ئیسلامی کوردستان

13ی8ی2019