ب مەرەما دیڤچون و گوهداری کرنا داخوازی و گلە و گازندێن زانایێن ئایینی ل پارێزگەها دهوکێ ، ئەڤرو رێکەفتی 2019/09/17 رێزدار ( نێچیرڤان بارزانی ) سەروکێ هەرێما کوردستانێ نوینەرێ خویێ تایبەت بەرێز ( دلشاد شعبان غفار ) شاندە دهوکێ و ل بارەگایێ لقا دهوک یا ئێکەتیا زانایێن ئایینێ ئیسلامی کوردستان هاتە پێشوازی کرن ژ لایێ بەرێز ( د. ملا جهاد دوسكي ) بەرپرسێ لقێ و ب ئامادەبونا ژمارەیەکا زور ژ زانایێن ئایینی یێن بەرێز و ب ئامادەبونا به ريز ( د. سمیان عبدالخالق سعدﻱ ) رێڤەبەرێ گشتی یێ ئەوقاف و کارووبارێن ئایینی ل پارێزگەها دهوکێ و هەردوو رێڤەبەرێن ئەوقافێن دهوک و سێمێل ، و د ڤی چارچوڤی دا دانیشتنەکا بەرفرەهـ هاتە کرن و نوینەرێ سەروکێ هەرێمێ سلاڤێن سەروکێ هەرێما کوردستانێ گەهاندنه زانایێن دهوکێ و گوهداریا هەمی گلە و گازندەیان هاتە کرن و داكوكى هاتە کرن ل سەر گرنگیدان ب تەخا زانایان و کویرکرنا گیانێ لێبوردەیی و پێکڤە ژیان و هەڤدو قەبولکرنێ د ناڤ هەمی تەخ و چین و ئایین و هزر و بیرێن جودا جودا دا ، و داکوکی هاته کرن ل سەر رولێ گرنگ یێ زانایێن ئایینی د ڤی بواری دا ، و هەژی گوتنێ یە ئەڤ دانیشتنا گرنگ و شاندنا نوینەرێ سەروکێ هەرێما کوردستانێ بویە جهێ خوشحالیا هەمی زانایێن ئایینی یێن بەرێز .