میسڕ: شاندی زانایانی کوردستان سەردانی مزگەوتی ئەزهەر دەکەن

دوای ئەوەی شاندێکی زانایانی کوردستان بە مەبەستی بەشداری لە خولێکی زانستی رێکخراوی جیهانی دەرچووانی ئەزهەر لە وڵاتی میسڕ دەستیان بە کارەکان کردو دەرفەتی چالاکی و سەردان و دیدارو بەسەرکردنەوەی شوێنەوارە دێرین و گرنگەکانیان بۆ رەخساندن، سەردانی مزگەوتی گەورەی ئەزهەری شەریفیان کرد.


رۆژی 26ی11ی2019 شاندی ناوبراو بەمەبەستی بەسەرکردنەوەی مزگەوتی گەورەی ئەزهەری شەریف و بینینی هونەرو شێوازی ئەندازەیی و بیناکاری سەردانی مزگەتی ناوبراویان کرد.


لەو بەسەرکردنەوەیە بەرێز شێخ ئیبراهیم سەید بەرێوەبەری کاروباری مزگەوتی ئەزهەر بە تێرو تەسەلی لایەنی هونەری و مێژووی و دیزاینی مزگەوتی بۆ شاندی ناوبراو شیکردەوەو ئاماژەی بە گرنگی و پێگەی مزگەوتەکە کرد وەک ناوەندێکی زانستی و ئەنجامدانی چالاکی مەعریفی.


لەلایەن خۆشیانەوە شاندی زانایانی کورد وێڕای خۆشحاڵیان بە دیمەنی جوانی مزگەوتی ئەزهەر، هاوکات بە گرنگیەوە رۆڵی مێژوویی و زانستی مزگەوتەکەیان بەرز نرخاند.