ئەم شەو 26/12/2019 خێزانی بەرێز مامۆستا مەلا خالید مەلەکی ئەندامی ئەنجومەنی ناوەندی و بەرپرسی لقی سۆرانی یەکێتی زانایان کۆچی دوایی کرد، بەو بۆنەوە مەکتەبی تەنفیزی یەکێتی زانایان پرسەنامەیەک ئاراستە دەکات، ئەمەی خوارەوە دەقەکەیەتی:

بەناوی خوای گەورەو میهرەبان

بەرێز مامۆستا مەلا خالید مەلەکی

بەڕازی بوون بە قەدەری خوای گەورە هەواڵی کۆچی دوایی خاتوو (هەمین)خانی خێزانی بەرێزتانمان پێگەیشت، بەو بۆنەوە پرسەو سەرەخۆشی لە بەرێزتان و خانەوادەو خزمان دەکەین و هاوبەشی خەمی ئێوەین.

خوای گەورە بە لوتف و کەڕەمی خۆی خوالێخۆش بوو بە بەهەشتی بەرین شاد بکات و سەبرو ئارامیش بە خانەوادەو کەس و کارو هەموو لایەک ببەخشێت.

انا لله وانا الیه راجعون

یەکێتی زانایانی ئایینی ئیسلامی کوردستان

26/27-12-2019