ئەمرۆ 11ی9ی2020 زاناو کەسایەتی دیاری شاری زاخۆ مامۆستا مەلا عبدالکریم صۆفی عبدالله كۆچی دوایی كردو یەکێتی زانایان پرسەنامەیەک ئاراستەی خانەوادەکەی دەکات، ئەمەی خوارەوە دەقەکەیەتی:

بەناوی خوای گەورەو میهرەبان

(وَبَشِّرِالصَّابِرِينَ الَّذِينَ إِذَاأَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّاإِلَيْهِ رَاجِعُونَ)

خانەوادەی بەرێز مامۆستا مەلا عبدالکریم صۆفی عبدالله

ئەمرۆ هەواڵی وەفاتی زاناو کەسایەتی ئایینی و کۆمەڵایەتی شاری زاخۆ و ئەندامی کارای یەکێتی زانایان و خاوەن (مامۆستا مەلا عبدالکریم صۆفی عبدالله)مان پێگەیشت.

مامۆستای مەرحوم زاناو شارەزاو کەسایەتیەکی سادەو دڵسۆزو خاوەن هەستی نەتەوەیی و نیشتمانی بوو، هاوکات خزمەتێکی زۆری لە ریزەکانی یەکێتی زانایان لەساڵی هەشتاکان هەبووەو هەڵگری مەدالیای رێزلێنانی مەرحوم مەلا مستەفای بارزانی بووە، لەرووی کۆمەڵایەتی و ئاشتەوایی و هەنگاوە نیشتمانیەکان جێگەی دیار بوو.

بەو بۆنەوە پرسەو سەرەخۆشی خۆمان ئاراستەی خانەوادەو کەس و کاری رەحمەتی دەکەین، لەخوای گەورە داواکارین سەبرو ئارامی بە خزم و دۆستانی ببەخشێت و جێگەی مامۆستای رەحمەتی بەهەشتی بەرین بێت.

انا لله وانا اليه راجعون

یەکێتی زانایانی ئایینی ئیسلامی کوردستان

11ی9ی۲٠۲٠