ئەمرۆ 26ی10ی2020 مامۆستا مه‌لا تەحسین بەشارەتی پیش نوێژو ووتاربێژی مزگەوتی چوارچرا لەشاری سلێمانی بەهۆی نەخۆشی كۆچی دوایی كردو یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:

به‌ناوی خوای گه‌وره‌و میهره‌بان

(وَبَشِّرِالصَّابِرِينَ الَّذِينَ إِذَاأَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّاإِلَيْهِ رَاجِعُونَ)

خانه‌واده‌ی به‌رێز مامۆستا مه‌لا تەحسین بەشارەتی

بەداخەوە هه‌واڵی وه‌فاتی که‌سایه‌تی ئایینی و کۆمه‌ڵایه‌تی (مامۆستا مه‌لا تەحسین بەشارەتی)مان پێگه‌یشت. کە بەهۆی نەخۆشیەوە کۆچی دوایی کرد.

مامۆستا پیش نوێژو ووتاربێژی مزگەوتی چوارچرا بوو لەشاری سلیمانی و خاوەن خزمەتێکی زۆرو کەسایەتیەکی کۆمەڵایتی بەرێزو خۆشەویست بوو لای خەڵک و دڵسۆز بوو لە کارو پیشەکەی.

به‌و بۆنه‌وه‌ پرسه‌و سه‌ره‌خۆشی خۆمان ئاراسته‌ی لقی سلێمانی یەکێتی زانایان و خانه‌واده‌و که‌س و کاری ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.

 انا لله وانا الیه راجعون

یه‌کێتی زانایانی ئایینی ئیسلامی کوردستان

26ی10ی۲٠۲٠