یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا جەلال حسێن صالح کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای یەکێتی زانایان سەردانی ئەنجومەنی دادوەری هەرێمی کوردستان دەکات    *****    *****   مامۆستا مەلا حسن سعید عەوێنەی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   كۆیه‌: خولی زانسته‌ شەرعییه‌كان بەرێوەدەچێت    *****    *****   دهۆك: ماموستا مه‌لا شعبان عبدالله حوجاڤای كۆچا دوای كر    *****    *****   دووكان: مامۆستا مەلا إبراهيم كۆچی دوایی كرد    *****    *****   لقی چەمچەماڵی یەکێتی زانایان ئێوارە کۆڕێکی پیشەیی ڕێکدەخات    *****    *****   لقی کۆیەی یەکێتی زانایان کۆبوونەوەی ئاسایی خۆی ئەنجام دەدات    *****    *****   یەکێتی زانایان لە گەڵ رێزدار نێچیرڤان بارزانی سەرۆکی هەرێم لەسەر چەند پرسێکی ئایینی و نیشتمانی دیدارێکی گرنگ ئەنجام دەدات    *****    *****   یەکێتی زانایان بە فەرمی پرۆژە پێشنیاری خۆی سەبارەت بە پێگەی ئایین لەناو دەستووری هەرێم دەداتە پەرلەمانی کوردستان    *****    *****   یەکێتی زانایان سەردانی هەردوو فەراکسیۆنی پارتی و یەکێتی لە پەرلەمانی کوردستان دەکات    *****    *****   یەکێتی زانایان پرسەنامەیەک ئاراستەی ماڵباتی پێشمەرگە شەهید بووەکانی چیای مەتینا دەکات   
ئاوات نه‌قشبه‌ندی*
به‌رواری دابه‌زاندن: 16/09/2012 : 12:33:26
قه‌باره‌ی فۆنت
پرۆسه‌ی خوێندن له‌ كوردستان

 گومانی تێدا نیه‌ كه‌ ئیسلام‌و گشت لایه‌ك كۆكین له‌سه‌ر گه‌وره‌یی‌و زه‌روری‌و چاكی خوێندن, وه‌ چ مه‌زنیه‌كی هه‌یه‌ له‌ بنیادی شارستانیه‌تی جیهانیدا , بۆیه‌ هه‌ر كه‌س ده‌گریت ئیتر بیرمه‌نده‌ یان بانگخواز بێ یه‌كودوو باس له‌ گه‌وره‌یی زانست‌و پرۆسه‌ی خوێندن ده‌كات.فێرخواز‌و زانستخوازان پێگه‌‌و پله‌یان له‌ ئیسلامدا زۆر مه‌زنتره‌ له‌ خواناس‌و ئه‌و بازرگانه‌ ئیمانداره‌ كه‌ پاره‌‌و سامانه‌كه‌ی له‌ پێناوی خوادا به‌خش ده‌كات.

 خۆ ئه‌گه‌ر میلله‌تانی تر پێویستیان به‌ زانست‌و زانیاری‌و خوێندن هه‌بێت , ئێمه‌ی كورد زیاتر پێویستمانه‌ چونكه‌ هه‌م وه‌كو موسوڵمان وه‌ وه‌كو گه‌لێكی سته‌مدیده‌‌و پرشوبڵاو كه‌ ده‌بێت خۆمان ببینه‌ پشتوپه‌نا بۆ خۆمان ئه‌ویش ته‌نها به‌ خوێندن ده‌كرێت , به‌ خوێندن ئه‌توانین بگه‌ینه‌ كاروانی شارستانیه‌تیه‌كان.

 

ئه‌و به‌یته‌ شیعره‌مان زۆر بیستووه‌ كه‌ ده‌ڵێت:

بخوێنن چونكه‌ خوێندن بۆ دیفاعی تیغی دوژمنتانه‌

هه‌موو ئان‌و زه‌مانێك عه‌ینی قه‌ڵغان‌و سوپه‌رتانه‌.

 

كه‌واته‌ ئه‌و سوپه‌ر‌و قه‌ڵغانه‌ كه‌ ده‌مان پارێزێت له‌ هه‌ر هێرش‌و په‌لامارێك خوێندنه‌ به‌و ده‌توانین له‌ سه‌ركه‌وتن به‌رده‌وام بین.

 سوفیانی سه‌وری كه‌ یه‌كێكه‌ له‌ خواناسان به‌ كه‌سێكی ووت: (ۆیْحَكُم! أُگْلِبُوا العِلمَ فأنی أخافُ أَنْ ێخرُجَ العِلمَ مِنْ عِندِكُم فَێصیر الی غَیڕكُم فتژلون).

 واته‌ : ئاخ بۆ ئێوه‌ هه‌وڵی زانست بده‌ن‌و فێرببن چونكه‌ من ئه‌ترسم كه‌ زانستتان لا نه‌مێنێت‌و زانسته‌كه‌تان له‌ده‌ست بچێته‌ ده‌ر بۆ لای كه‌سانی تر ئه‌و كات ئێوه‌ زه‌لیلی لای ئه‌و كه‌سانه‌ ده‌بن.

 كه‌واته‌ پرۆسه‌كه‌ به‌رده‌وامه‌‌و له‌هه‌ره‌ پێویستیه‌كانی ژیان‌و ژیاره‌, به‌ڵام له‌ كوردستان كۆمه‌ڵێك ئاسته‌نگ هه‌یه‌ له‌به‌رده‌م ئه‌م پرۆسه‌ مه‌زنه‌دا من لێره‌وه‌ ته‌نها ئاماژه‌ به‌ هه‌ندێكیان ده‌كه‌م:

•        ناوه‌نده‌ ئه‌كادیمی‌و مه‌عریفی‌و زانستگه‌كان وه‌كو پێویست مامه‌ڵه‌یان له‌گه‌ڵ ناكرێت, له‌ڕووی دابینكردنی كادر‌و پێداویستی‌و ده‌رگایان بۆ واڵانه‌كراوه‌ به‌ ڕووی جیهانی زانستدا.

•        سیسته‌می فێربوون‌و زانست وه‌رگرتن كۆنه‌‌و پێویستی به‌ نوێكردنه‌وه‌‌و ئه‌بده‌یت هه‌یه‌ تا پرۆسه‌كه‌ به‌ باشرین شێوه‌ بڕوات به‌ ڕێوه‌.

•        پێویسته‌ له‌م كاره‌ كه‌ پرۆسه‌ی خوێندن تا مه‌زرۆیی هه‌بێت‌و هه‌وڵ بدرێت بۆ زیادكردنی ئه‌و تامه‌زرۆییه‌.

•        گوێگرتن له‌ كه‌سانی پسپۆڕ بۆ ئه‌وه‌ی كه‌ پرۆسه‌كه‌ به‌ره‌و كامڵ بوون بڕوات.

•        هه‌وڵ بدرێت ئه‌و كه‌سانه‌ی كه‌ له‌ هه‌ر ناوه‌ندێك كار ده‌كه‌ن به‌ خواستی خۆیان بێت نه‌ك به‌ ناچاری بچنه‌ ئه‌و كاره‌ی كه‌ به‌شداره‌ له‌ پرۆسه‌ی خوێندن.

به‌ ئومێدم چاو بگێڕینه‌وه‌ به‌ پرۆسه‌ی خوێندندا‌و هه‌وڵی جدی بۆ بدرێت.