ئه‌گه‌ر له‌ ئێوه‌ عیسای مه‌سیح بناسین!!

ماوه‌یێكه‌ له‌ چه‌ند شوێنێك ڕێكخراوێكی (تنصیری) په‌رتووكێكی بێ بنه‌مای به‌ناوی (ڕاستیه‌كان) بڵاو كردۆته‌وه‌، ناوه‌رۆكی په‌رتووكه‌ به‌ حیسابی خۆی به‌راوردێكه‌ له‌ نێوان هه‌ردوو پێغه‌مبه‌ری خوا (موحه‌ممه‌د و عیسا) كه‌ تیایدا هه‌رچی سووكایه‌تیه‌ به‌ حه‌زره‌تی موحه‌ممه‌دی پێغه‌مبه‌ر (سڵاوی خوای لێ بێت)  كراوه‌و هیچ سنوورێكی بۆ ڕه‌وشت و عه‌قڵ و لۆژیك نه‌هێشتۆته‌وه‌، من ده‌پرسم له‌كات و ساتێكی وه‌هادا كه‌ خه‌ڵكی كوردستان دووچاری شه‌ڕێكی نه‌خوازراو بووه‌ته‌وه‌ له‌گه‌ل تیرۆریستانی داعش و، قه‌یرانی دارایی به‌رۆكی گرتووه‌، ئه‌م په‌رتووكه‌ پڕ له‌ چه‌واشه‌كاریه‌ چ كێشه‌یێك چاره‌سه‌ر ده‌كات؟ پێده‌چێت به‌ مه‌به‌ست ئه‌م كات و ساته‌ هه‌ڵبژێردرابێت و به‌شێك بێت له‌ به‌رنامه‌یێكی نه‌خشه‌بۆكێشراو له‌نێوان هه‌ردوو رێكخراوه‌كه‌دا (داعش – تنصیریه‌كان) تاوه‌كو داعش به‌ ئاگرو گولله‌ ، ئه‌مانه‌ش به‌ شه‌ڕی ده‌روونی كۆمه‌ڵگه‌ی كوردستانی دووچاری شله‌ژان و ناسه‌قامگیری و ئاژاوه‌ بكه‌ن. 

بێگومان ئه‌م هه‌نگاوه‌ ته‌نیا بۆ ئیستیفزازكردنی موسوڵمانانه‌ له‌لایێك و، تێكدانی برایه‌تی و پێكه‌وه‌ ژیانی ئاشتیانه‌ی نێوان مه‌سیحی و موسوڵمانانی كوردستان له‌لایێكی تره‌وه‌، كه‌ چه‌ندین سه‌ده‌یه‌ پێكه‌وه‌ ده‌ژین و رێزو خۆشه‌ویستیێكی ته‌واو له‌ نێوانیادا هه‌یه‌. پێویستیش بوو خوشك و برایانی مه‌سیحی ، خه‌مخۆرانی برایه‌تی و پێكه‌وه‌ ژیان، له‌ دژی ئه‌وانه‌ هه‌ڵوێستیان هه‌بوایه‌ ، چونكه‌ ئه‌مه‌یان هه‌نگاوێكی ترسناكه‌و جاری یه‌كه‌میان نییه‌.

من نامه‌وێ وه‌ڵامی تاك تاكی ئه‌و چه‌واشه‌كاریانه‌ بده‌مه‌وه‌ كه‌ له‌ نێو په‌رتووكه‌كه‌دا هاتوون ، چونكه‌ هه‌مووی به‌ندو بالۆره‌ی سه‌دباره‌ كراوه‌و، ئه‌وه‌نده‌ ناهێنێ خوێنه‌ری پێوه‌ سه‌رقاڵ بكرێت، بڕوای هه‌موو موسوڵمانێكیش سه‌باره‌ت به‌(عیسا)ی پێغه‌مبه‌رو سه‌رجه‌م پێغه‌مبه‌ران ڕوون و ئاشكرایه‌، ئه‌وه‌ ئێمه‌ نین گومانمان له‌ پێغه‌مبه‌رایه‌تی و پاكیه‌تی(عیسا)ی پێغه‌مبه‌رو دایكی هه‌یه‌، تاوه‌كو پێویست بكات پێمان بناسێنن، به‌ڵكو ئه‌وه‌ ئێوه‌ن دونیایه‌ك گومانتان خستۆته‌ سه‌ر خۆی و دایكه‌ داوێن پاكه‌كه‌ی ، تا ئێستا لاتان ڕوون نییه‌ ئاخۆ مه‌سیح خوایه‌، یان كوڕی خوایه‌، یاخود به‌نده‌ی خودایه‌و پێغه‌مبه‌ری خودایه‌؟

عیسای مه‌سیح له‌ زمانی خۆیانه‌وه‌

بۆ ئه‌وه‌ی بڕوای ئه‌و چه‌واشه‌كارانه‌ سه‌باره‌ت به‌ حه‌زره‌تی مه‌سیح به‌ شاراوه‌یی نه‌مێنێته‌وه‌ ، به‌ پێویست ده‌زانم له‌ زمانی خۆیان و له‌ په‌رتووكه‌ پیرۆزه‌كه‌یانه‌وه‌ كه‌ بریتین له‌ هه‌ردوو (عه‌هدی كۆن و عه‌هدی نوێ) هه‌ندێ ڕاستی بخه‌مه‌ڕوو، تاوه‌كو بۆ هه‌موولایه‌ك ڕوون بێته‌وه‌ كه‌ حه‌زره‌تی مه‌سیح لای ئه‌وان چ وێنه‌یه‌كی ناشیرینی هه‌یه‌، پاشان بپرسین: ئاخۆ ئێمه‌ی موسوڵمان پێویستیمان به‌وه‌ هه‌یه‌ كه‌سێك حه‌زره‌تی مه‌سیحمان پێ بناسێنێ ، یاخود ئه‌وانه‌ی كه‌ به‌ناوی ئه‌و پێغه‌مبه‌ره‌ خۆشه‌ویسته‌وه‌ ژه‌هری ڕق و كینه‌ داده‌ڕێژن و ناته‌بایی و ئاژاوه‌ بڵاو ده‌كه‌نه‌وه‌؟.

عیسای مه‌سیح له‌ دۆزه‌خه‌

(پۆلس) له‌ نامه‌كه‌یدا بۆ (غلاطية) ده‌ڵێت: مه‌سیح خۆی كرده‌ قوربانی ئێمه‌ بۆ ئه‌وه‌ی به‌ر نه‌فره‌تی خودا نه‌كه‌وین، هه‌رخۆی بووه‌ به‌ نه‌فره‌ت له‌ پێناو ئێمه‌دا ، چونكه‌ نووسراوه‌: نه‌فره‌ت لێكراوه‌ ، هه‌ركه‌سێك كه‌ له‌ دار هه‌ڵواسرا(1).  

قه‌شه‌ (جه‌وادی كوڕی سابات) ده‌ڵێت: هه‌روه‌كو چۆن مه‌سیح له‌ پێناو ئێمه‌دا مردو ژێرخاك كرا ، پێویسته‌ بڕوا به‌وه‌ بێنین كه‌ له‌ دۆزه‌خدایه‌.

قدّیس (كرستوم) ده‌ڵێت:(ته‌نیا كافر نكوڵی له‌ دابه‌زینی مه‌سیح ده‌كات بۆ نێو دۆزه‌خ)

مه‌سیح ئاژاوه‌ ده‌نێته‌وه‌و خێزان هه‌ڵده‌وشێنێ و شه‌ڕو كوشتار بڵاو ده‌كاته‌وه‌

مه‌سیح ده‌ڵێت: هه‌ركه‌سێك بۆلای من بێت و ڕقی له‌باوك و دایك و هاوسه‌رو منداڵ و خوشك و براكانی نه‌بێته‌وه‌، ناتوانێ ببێته‌ قوتابی من(2).

هه‌روه‌ها ده‌ڵێت: من هاتووم بۆ ئه‌وه‌ی ئاگر له‌زه‌وی به‌ربده‌م ، چه‌ند هیوام هه‌یه‌ ئه‌و ئاگره‌ گڕ بگرێت! ... ئێوه‌ وا گومان ده‌كه‌ن من هاتووم ئاشتی له‌سه‌ر زه‌وی بڵاو بكه‌مه‌وه‌؟ من پێتان ده‌ڵێم: نه‌خێر، به‌ڵكو به‌پێچه‌وانه‌وه‌، له‌مڕۆ به‌ولاوه‌ ئه‌گه‌ر پێنج كه‌س له‌ خانوێكدابن ، سێ كه‌سیان جیاوازیان له‌گه‌ل دوانه‌كه‌ی تردا ده‌بێت ، ئه‌گه‌ر سێ كه‌س بن ، دووان جیاوازیان له‌گه‌ل یه‌كه‌كه‌ی تردا ده‌بێت ، باوك جیاواز ده‌بێت له‌ له‌گه‌ل كوڕه‌كه‌ی، كوڕ له‌گه‌ڵ باوكه‌كه‌ی، دایك له‌گه‌ل كچه‌كه‌ی، كچ له‌گه‌ل دایكه‌كه‌ی، خه‌سوو له‌گه‌ل بووكه‌كه‌ی، بووك له‌گه‌ل خه‌سووه‌كه‌ی(3).

له‌ ریوایه‌تی(متی) دا هاتووه‌: گومان نه‌كه‌ن من هاتووم ئاشتی له‌سه‌ر زه‌وی بڵاو بكه‌مه‌وه‌، بۆ ئه‌وه‌ نه‌هاتووم ئاشتی له‌سه‌ر زه‌وی بڵاو بكه‌مه‌وه‌، به‌ڵكو شمشێر، چونكه‌ من بۆ ئه‌وه‌ هاتووم ، مرۆڤ له‌دژی باوكی هان بده‌م،  كچ له‌ دژی دایكی ، بووك له‌ دژی خه‌سووی . دوژمنی مرۆڤ كه‌س و كاری ده‌بێت. (4).

مه‌سیح سووكایه‌تی به‌دایكی ده‌كات

له‌ ئینجیلی (یوحه‌نا)دا هاتووه‌: (یه‌سوع -عیسا- له‌ نێو كۆمه‌ڵه‌ كه‌سێكدا سـووكایه‌تی به‌دایكی كرد)(5).

له‌ ئینجیلی (متی) هاتووه‌: له‌رۆژی سێهه‌م له‌ (قانا الجلیل) بووك گواستنه‌وه‌یێك هه‌بوو، دایكی (یه‌سوع – عیسا)ش له‌وێ بوو، (یه‌سوع-عیسا) و قوتابیه‌كانیشی داوه‌ت كرا بوون ، عه‌ره‌ق ته‌واو بوو، دایكی پێی گووت: عه‌ره‌قیان لانه‌ماوه‌ _عیسا_ وه‌ڵامی دایه‌وه‌: هۆ ژنێ من و تۆ چیمان له‌گه‌ل یه‌كتردا هه‌یه‌ هێشتا كاتی من نه‌هاتووه‌(6).

4- مه‌سیح له‌ ڕه‌گه‌زێكی نا ته‌ندروست له‌دایك بووه‌و مریه‌میش شووی كردووه‌

له‌ئینجیلی(متی)ـدا هاتووه‌: په‌رتووكی له‌دایك بوونی مه‌سیحی كوڕی داود كوڕی إبراهیم، إبراهیم كوڕی إسحاق ، إسحاق كوڕی یعقوب ، یعقوب كوڕی یه‌هوزا و براكانی، یه‌هوزا كوڕی فارز و زارح له‌ سامارو، فارز كوڕی حصرون، حصرون كوڕی ئارام ، ئارام كوڕی عمیناداب و، عمیناداب كوڕی نحشون، نحشون كوڕی سلمون ، سلمون كوڕی بوعز له‌ راحاب ، بوعز كوڕی عوبید له‌ راعوس ، عوبید كوڕی یسی ، یسی كوڕی داودی پاشا، داودی پاشا كوڕی سلیمان له‌ لاوریا، سلیمان كوڕی رحبعام...ومتان كوڕی یه‌عقوب ، یه‌عقوب كوڕی یوسفی مێردی مریه‌م ، ئه‌و مریه‌مه‌ی كه‌ یه‌سوع لێی له‌ دایك بووه‌و پێی ده‌گوترێت مه‌سیح(7).

ئینجیلی(لۆقا) ده‌ڵێت: كاتێك یه‌سوع ده‌ستی پێكرد ته‌مه‌نی نزیكه‌ی سی ساڵان بوو، ئه‌و یه‌سوعه‌ی كه‌ وا ده‌زانرێت كوڕی یوسفی كوڕی هالی كوڕی (متساس)ی كوڕی لاوی...كوڕی یونان كوری الیاقیم كوڕی ملیا كوڕی (متاسا) كوڕی (ناسان) كوڕی داود كوڕی یسی...كوڕی بوعز كوڕی (فارز) كوری یه‌هوزا كوری یه‌عقوب كوری ئیسحاق كوڕی ئیبراهیم(8).

له‌م زنجیره‌ی ڕه‌گه‌زی (عیسا)دا به‌ ئاشكرا ئاماژه‌ به‌وه‌ دراوه‌ كه‌ مریه‌م مێردی هه‌بووه‌و ناوی (یوسف) بووه‌، به‌گوته‌ی ئه‌وان به‌ر له‌وه‌ی مریه‌م شووی پێ بكات زینای له‌گه‌ڵ كردووه‌و دوواتر كه‌ دووگیان بووه‌، بۆ داپۆشینی ئه‌م ئابڕووچوونه‌ لێی ماره‌ كراوه‌. مه‌سیحیش كوڕی ئه‌م (یوسف)ـه‌یه‌.

هه‌روه‌ها ئاماژه‌ به‌ (فارز) كراوه‌ كه‌ له‌ كتێبی پیرۆزدا به‌ منداڵی زینا وه‌سفكراوه‌، هه‌روه‌كو له‌ ئینجیلی(متی)دا هاتووه‌: عیسا له‌ نه‌سلی سوله‌یمانی كوڕی داوده‌و باپیریان(فارز) له‌ نه‌سلی زینایه‌و له‌ یه‌هوزای كوڕی یه‌عقوبه‌)(9).

پێغه‌مبه‌ران جگه‌ له‌ خوا ده‌په‌رستن و دزی ده‌كه‌ن و چاوپۆشی له‌داوێن پیسی ده‌كه‌ن

(پێغه‌مبه‌ری خوا هارون گوێره‌كه‌ی دروست كردوو له‌گه‌ڵ به‌نی ئیسرائیلیه‌كان ده‌ستی كرد به‌ په‌رستنی)(10).

(یه‌عقوب مه‌ڕوماڵاتی خزمێكی خۆی دزی و، به‌ نهێنی خۆی و خێزانی ده‌رچوون بێ ئه‌وه‌ی خاوه‌ن مه‌ڕوماڵاته‌كه‌ ئاگادار بكاته‌وه‌)(11).

(راوبین زینای له‌گه‌ڵ خێزانی یه‌عقوبی باوكی كرد، یه‌عقوبیش به‌م كرداره‌ ناشیرینه‌ی زانی و خۆی لێ بێده‌نگ كرد)(12).

(داود زینای له‌گه‌ڵ ژنی سه‌ركرده‌یێكی له‌شكری خۆی كردو پاشان پیلانی دانا بۆ كوشتنی مێردی ژنه‌كه‌و ، له‌ ئه‌نجامدا كوشتی و، ژنی پیاوه‌كه‌شی گه‌یانده‌وه‌ ژنه‌كانی تری ، له‌و ژنه‌ش سوله‌یمان له‌ دایك بوو)(13).

(سوله‌یمان له‌كۆتاییه‌كانی ته‌مه‌نیدا پاشگه‌ز (مرتد) بوو و عیباده‌تی بته‌كانی كردو ، چه‌ندین په‌رستگه‌شی بۆ دامه‌زراندن)(14).

له‌ ئینجیلی (یوحنا)دا هاتووه‌: (یه‌سوع شاهیدی داوه‌ كه‌ هه‌موو پێغه‌مبه‌رانی به‌نی ئیسرائیل، دزو رێگر بوون)(15).

ئه‌مه‌یه‌ ریزگرتنتان له‌ پێغه‌مبه‌ران؟ ده‌تانه‌وێ به‌م سووكایه‌تیانه‌ خه‌ڵك هیدایه‌ت بده‌ن؟ ده‌تانه‌وێ فێرمان كه‌ن چۆن جنێو به‌ پێغه‌مبه‌ران بده‌ین؟ یان ده‌تانه‌وێ به‌م سووكایه‌تیانه‌ به‌خه‌ڵك بڵێن:دزی و داوێن پیسی و ناپاكی به‌شێكه‌ له‌ ئایینی ئێمه‌و ، ئێوه‌ش هه‌رگیز نه‌كه‌ن خۆتانی لێ بپارێزن؟دیاره‌ هه‌ر ئه‌مه‌ش بووه‌ته‌ هۆی بڵاو بوونه‌وه‌ی نێربازی و لادانی ئه‌خلاقی له‌نێو زۆرێك له‌ كه‌نیسه‌كان، به‌شێوه‌یێك كه‌ پاپای ڤاتیكان (بیندكتوس)ی شازده‌هه‌م له‌و باره‌وه‌ هۆشداری بدات، هه‌روه‌كو له‌ گفت و گۆیێكیدا بۆ رۆژنامه‌ی (لاریبابلیكا)ی ئیتالی ده‌ڵێت: له‌(414) هه‌زار قه‌شه‌، (8) هه‌زار قه‌شه‌ی كاسۆلیكی ده‌ستدرێژیان كردۆته‌ سه‌ر منداڵان له‌ نێو كه‌نیسه‌دا.    

 ئاخر كام دووژمنی عیسای مه‌سیح ئه‌وه‌نده‌ی ئێوه‌ سووكایه‌تی پێكردووه‌؟ جا ئه‌گه‌ر ئه‌مه‌ حاڵی ئه‌و پێغه‌مبه‌ره‌ بێت كه‌ خۆتان بانگه‌شه‌ی دلسۆزی بۆ ده‌كه‌ن، ده‌بێت حاڵی كه‌سێك چۆن بێت كه‌ به‌ دووژمنی خۆتانی ده‌زانن؟

ئه‌گه‌ر سووكایه‌تیه‌كانتان ته‌نیا به‌ پێغه‌مبه‌ری ئیسلام بوایه‌ ، له‌وانه‌یه‌ خه‌ڵكێكی ساده‌و ساكار بروای پێتان كردبا ، به‌ڵام خۆ هیچ پێغه‌مبه‌رێك _ به‌ مه‌عیسای مه‌سیحیشه‌وه‌_ له‌ تۆمه‌ت و سووكایه‌تیه‌كانتان سه‌لامه‌ت نییه‌ ، ئیتر خۆتان بریار بده‌ن ئێوه‌ كێن و چیتان ده‌وێ؟ 

پرۆفیسۆر (بوركیتت) له‌په‌رتووكه‌كه‌یدا له‌به‌شی (قبوڵ كردنی عه‌هدی جه‌دید به‌ ڕه‌سمی) ده‌ڵێت: عیسا له‌و چوار ئینجیله‌دا چوار وه‌سفی هه‌یه‌، وه‌سفی هه‌ر یه‌كێكیان جیاوازه‌ له‌وه‌ی تر، نووسه‌رانی ئه‌و چوار ئینجیله‌ نه‌یانویستووه‌ ئه‌و چوار ئینجیله‌ كۆ بكه‌نه‌وه‌، بۆیه‌ش هه‌ریه‌ك له‌وان هه‌ندێ زانیاری له‌خۆگرتووه‌ كه‌ جیاوازه‌ له‌گه‌ڵ ئه‌وه‌ی تردا، ته‌نانه‌ت كه‌مترین په‌یوه‌ندیشیان به‌یه‌كه‌وه‌ نییه‌...).

هه‌ر ئه‌مه‌ش وای له‌ (برنارد شۆ) كردووه‌ بڵێت: ترسناكترین په‌رتووك له‌جیهاندا په‌رتووكه‌كانی ته‌ورات و ئینجیلن، بۆیه‌ پێویسته‌ هه‌ردووكیان له‌شوێنێكی پۆڵایین و ئه‌میندا قوفڵ بدرێن و جارێكی تر پێشانی خه‌ڵك نه‌درێنه‌وه‌...)(16).

──────────────

په‌راوێزه‌كان:

1- رساله‌ بولس إلی غلاطیه‌ 3: 13.

2- لوقا 14: 26.

3- لوقا 12: 49 – 53.

4- متّی 10: 34 – 38.

5- إصحاح 2 رقم4

6-یوحنّا 2: 1 – 4.

7- إنجیل متی 1: 1-

8-إنجیل لوقا 3: 23- 34

9- إصحاح متی اڵاول رقم10.

10- اصحاح 32 رقم1سفرالخروج.

11- سفر التكوین، اصحاح 31 رقم 17.

12- سفر التكوین، اصحاح 35 رقم 32.

13- سفر صموئیل الپانی اصحاح 11 رقم1

14- سفر ملوك اڵاول اصحاح 11 رقم 5

15-اصحاح10رقم8

16- الإسلام و سائر الأديان، نوری رأفت قورور، چاپ و بڵاوكردنه‌وه‌ی (وقف اخلاص) استنابول 1996 لاپه‌ره‌ 111.