ئەمرۆ 16ی ئاب 2021 شاندێکی باڵای مەکتەبی تەنفیزی یەکێتی زانایان کە پێکهاتبوو لە بەرێزان د. عبدالله مەلا وەیسی سەرۆکی یەکێتی زانایان و مامۆستا مەلا جەلال خەیلانی جێگری سەرۆک و مامۆستا مەلا دلشاد گەڵالی ئەندامی مەکتەبی تەنفیزی بە مەبەستی پیرۆزبایی دەست بەکاربوون سەردانی بەرێز شێخ نیاز نەقشبەندی بەرێوەبەری بەرێوەبەرایەتی گشتی حەج و عومرەی هەرێم کرد.
لە دانیشتنێکدا بەرێز سەرۆکی یەکێتی زانایان پیرۆزبایی یەکێتی زانایانی ئاراستەی بەرێوەبەری بەرێوەبەرایەتی گشتی حەج و عومرەی هەرێم کردو هیوای سەرکەوتنی بۆ خواست، هەروەک پاڵپشتی تەواوی لەپێناو سەرکەوتنی کارەکان بۆ دەبڕی و تەئکیدی لە پێویستی هەماهەنگی نێوان هەردوو دامەزراوە کردەوە، هەروەک باسی لەوەش کرد پێویستە بەرێوەبەرایەتی گشتی حەج و عومرە لە ئایندە بە میکانیزم و بەرنامەی تۆکمە لەخزمەت پرۆسەی حەج و حاجیان بێت، چونکە لە مەوسمی حەج ئەو پرۆسەیە لەرووی دینداری نەتەوەی کورد نمایندەی کوردستان دەکات لە ناو جیهانی ئیسلامی.
لەلایەن خۆشیەوە بەرێز شێخ نیاز نەقشبەندی بەرێوەبەری بەرێوەبەرایەتی گشتی حەج و عومرەی هەرێم سوپاس و خۆشحاڵی خۆی بە سەردانی شاندەکە دەربڕی و هەڵوێستی یەکێتی زانایانی بە گرنگ و گەورە وەسف کردو تەئکیدی لە هەماهەنگی و راوێژو کاری هاوبەش کردەوە.
