ئەمرۆ 23ی9ی2024 کەسایەتی ئایینی و کۆمەڵایەتی دەڤەری سۆران مامۆستا مەلا عيسا کەونەگوندی پێشنوێژو وتارخوێن لە مزگەوتی کەونەگوند كۆچی دوایی كردو یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:

به‌ناوی خوای گه‌وره‌و میهره‌بان

(وَبَشِّرِ الصَّابِرِينَ، الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ)

بنەماڵەی خوالێخۆشبوو: مامۆستا مەلا عيسا کەونەگوندی

بەرازی بوون بە قەدەری خوای گەورە هه‌واڵی وه‌فاتی مامۆستاو کەسایەتی ئایینپەروەرو دیندارو کۆمەڵایەتی دەڤەری سۆران (مامۆستا مەلا عيسا کەونەگوندی)مان پێگه‌یشت، کە ئەمرۆ دوای تەمەنێک خزمەت کردن بە ئیسلام و هەستی کوردپەروەری بەهری نەخۆشی کۆچی دوایی کرد.

به‌و بۆنه‌وه‌ پرسه‌و سه‌ره‌خۆشی لە زانایانی ئایینی دەڤەرەکەو خانه‌واده‌و که‌س و کاری مامۆستای ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.

 انا لله وانا الیه راجعون

یه‌کێتی زانایانی ئایینی ئیسلامی کوردستان

23ی9ی2024