رۆژی 18ی12ی2024 بەرێز د.عومەر مرۆ ئەندامی مەکتەبی تەنفیزی یەکێتی زانایان بەشداری لە پانێڵێکی تایبەت بە ناونیشانی (هاوسەرگیری پێشوەختە لە روانگەی شەرعی و یاسایی) لە دیوانی وەزارەتی ئەوقاف و کاروباری ئایینی کرد، کە بە هاوبەشی ئەنجومەنی باڵای کاروبرای خانمان رێکخرا بوو.

لەم پانێڵە بەرێز د.عومەر مرۆ وتەیەکی پێشکەش کردو تیشکی خستە سەر پێگەی هاوسەرگیری لە روانگەی ئیسلامەوەو چەند دەقێکی شیکردەوە کە پەیوەست بوون بە رێنمایی و بایەخی شەریعەت بە چۆنیەتی شێوازی پێکهێنانی ژیانی هاوسەرگیری، هەروەک ئاماژەی بەوە کرد کە هاوسەرگیری پێشوەختە دەرەنجامی باشی نیەو زۆر جار بە هەڵەش تەفسیری هەندێ دەق لەو بارەوە دەکرێت، بۆیە گرنگە شارەزایان و بەتایبەت مامۆستایانی ئایینی جەخت لەوە بکەنەوە کە گرنگە کوڕو کچ هۆشیار بن و مەگەر زەرورەت یان حاڵەتێکی تایبەت وا بخوازێ، ئەگەرنا تا تەمەنی گونجاو هاوسەرگیری ئەنجام نەدەن، هەروەها باسی لەوە کرد کە هاوسەرگیری پێشوەختە لەم سەردەمە بۆتە یەکێ لە هۆکارەکانی زیادبوونی تەڵاق بۆیە باشتر وایە گەنجان بەهەست کردن بە بەرپرسیارێتی خێزان تا کاتی گونجاو پرۆسەکە ئەنجام نەدەن، چونکە هاوسەرگیری و پێکهێنانی خێزان هەمووی بەرپرسیارێتییە.

هەر لە پانێڵەکە چەند کەسایەتی و شارەزایەکی تر بەشدار بوون و وتەیان لەسەر پرسەکە پێشکەش کردو دواتر دەرگای گفتوگۆ لەبەردەم بەشداربووان کرایەوە بە تێرو تەسەلی تاوتوێی بابەتە کراو دانیشتنەکە سەرکەوتووانە کۆتایی پێهات.