ئەمرۆ 4ی11ی2025 بەرێز د.عبدالله مەلا وەیسی سەرۆکی یەکێتی زانایان بەشداری لە پانێڵێک بەناونیشانی (ئینتیما و وابەستەبوون، مانا وجۆرەکانی لەڕوانگەی ئیسلامەوە) کرد، کە لەلایەن سەنتەری سەڵاحەدینی ئەیوبی بۆ توێژینەوە و لێکۆڵینەوە ئیسلامییەکان، بە هەماهەنگی لەگەڵ بەشە زانستییەکانی کۆلێژ، لە هۆڵی (کوێت)ی کۆلێژی زانستە ئیسلامیەکان بەرێوە چوو.

لە پانێڵەکەدا ڕاگری کۆلێژ (پ.د. جمیل علی سورچی) و یاریدەدەری ڕاگری کۆلێژ (پ.ی.د. جەودەت ئەنوەر هەمینی) و بەشێکی زۆر لە مامۆستایان وفەرمانبەران وقوتابییان بەشدار بوون، لە دەسپێکدا ڕاگری کۆلێژ (پ.د. جمیل علی سورچی) وتەیەکی پێشکەشکرد و وێڕای بەخێرهاتنی ئامادەبووان، تیشکی خستە سەر بابەتەکە و باسی گرنگی ئینتیما کرد بۆ خاک ونیشتمان، هەروەها جەختی لە پێگەو ڕۆڵی مامۆستایانی ئایینی کردەوە لە ڕابردوو ولە ئێستاشدا لە بابەتی گرنگیدان بە خاک ونیشتمان و زمان وکلتور.

پانێڵەکە بەم شێوەیە رێکخرابوو بەرێز (د. هێژا احمد نجم الدین) بەڕێوەبەری پانێڵ و پانێڵیستان: (د. عبداللە سعید وەیسی) ناونیشانی سیمینار (الإنتماء الی الوطن من منظور إسلامي) ، (پ.ی.د. جعفر نجم الدین) ناونیشانی سیمینار (الإنتماء الی الاسرة من منظور إسلامي) و (پ.ی.د. احمد محمود سیدۆک) ناونیشانی سیمینار (الإنتماء الی اللغة والتراث).

لە وتەی خۆیدا بەرێز سەرۆکی یەکێتی زانایان بە شێوەیەکی زانستی تیشکی خستە سەر پێویستی ئینتیمای نیشمانی لە ورانگەی ئیسلامەوەو چەندین بەڵگەی خستە روو، کە پاڵپشتی هەستی نیشمانی دەکەن و لەم قۆناغەشدا پێویستە هەمووان بە هۆشیاری و وەک ئەرکێک پەرە بەو تێروانینە بدەین و رۆڵەکانمان لەسەر ئەو هەستە بەرزە رابێنین، چونکە تا نیشتمان و نەتەوەی خۆمان خۆشنەوێت ناتوانین وەک هاولاتی ئەرکی تەواوەتیمان جێبەجێ بکەین و لایەنێکی هاوکار بین بۆ قەزیەی نەتەوەیی.

لة دوماهيدا سوپاس وپێزانین پێشکەش بە بەڕێوەبەری پانێڵ و پانێڵیستەکان و لیژنەی نوێنەرایەتی قوتابییان کرد لەپای کارو چاڵاکییەکانیان.