ئەمرۆ 24ی3ی2026 لە پەیامێکدا یەکێتی زانایانی ئایینی ئیسلامی کوردستان سەرکۆنەو ئیدانەی ئەو هێڕشەی شەوی رابردووی سەر بارەگای هێزەکانی پێشمەرگە لە سپیلک دەکات، ئەمەی خوارەوە دەقەکەیەتی:

بەناوی خوای بەخشندەی میهرەبان

بەداخەوە جارێکی تر کوردستان بریندار کرایەوەو، بە مووشەکی بالیسیتی بارەگای هێزەکانی پێشمەرگە لە سپیلک لە سنووری ئیدارەی سەربەخۆی سۆران کردە ئامانج و، شەش پێشمەرگە شەهیدو سی دیکەش برینداربوون.

زۆر بە توندی ئەو جۆرە هێڕش و کردە نامرۆڤانەیە ئیدانەو شەرمەزار دەکەین، کە پێچەوانەی بنەکانی ئیسلام و مافی مرۆڤ و مافی دراوسێیەتین، لە ئیسلامدا رشتنی خوێن بە ناحەق زوڵمێکی زۆر گەورەو غەدرێکی دوژمنکارانەیەو هیچ پاساوێک هەڵناگرێت.

پرسەو هاوخەمی خۆمان ئاراستەی خانەوادەو کەس و کاری شەهیدان دەکەین، دوعای زوو چاکبوونەوەو شیفای بەخێر بۆ برینداران دەخوازین، خوای گەورە کوردستانمان بپارێزێت..

یەکێتی زانایانی ئایینی ئیسلامی کوردستان

24ی3ی2026