دوای ده‌ركردنی فه‌توای خه‌ته‌نه‌كردنی مێیینه له‌لایه‌ن لێژنه‌ی باڵای فه‌توای كوردستانه‌وه، كه تێیدا داوا له هاووڵاتیان ده‌كات له‌م كاره دووركه‌وتنه‌وه، چونكه ئه‌مه له ئیسلامدا هیچ ده‌قێكی فه‌توای قورئان‌و فه‌رمووده له‌و باره‌وه نییه، نه به سووننه‌ت‌و به واجب.
دوای ئه‌وه كۆمه‌ڵه كه‌سێك به‌تایبه‌تی راگه‌یاندنه‌كان به هه‌ڵه ته‌فسیریان كرده‌وه، كه پێیان وابوو، ئه‌مه به جۆرێك له جۆره‌كان رێپێدانه به خه‌ته‌نه‌كردنی كچان، بۆ روونكردنه‌وه‌ی ئه‌و بۆچوونانه راگه‌یاندنی یه‌كێتی زانایان له روونكردنه‌وه‌یه‌كدا (كه ده‌قه‌كه‌ی به وێنه‌وه له به‌شی فه‌توا بڵاوكراوه‌ته‌وه)، ئه‌م گومانانه لا ده‌بات‌و، پێیان وایه ئه‌مه تێكه‌ڵكردن بووه له نێوان فه‌توای لێژنه‌ی فه‌توا‌و را‌و بۆچوونی زانایانی دیكه، به پێچه‌وانه‌وه لێژنه‌ی باڵای فه‌توا داوا ده‌كات، مادامه زیانی هه‌یه، با خه‌ڵك لێی دووركه‌وێته‌وه، به‌ڵكو ده‌رفه‌تیشه تا له رووه یاساییه‌كه سوود له‌م فه‌توایه وه‌ربگرن، بكرێته پڕۆژه یاسایه‌ك بۆ به‌ره‌نگاربوونه‌وه‌ی ئه‌م دیارده‌یه‌‌و قه‌ده‌غه‌كردنی، ئاماده‌یی زانایانی ئایینیشیان ده‌ربڕیوه بۆ هاوكاریكردن له‌و باره‌وه.
ئه‌مه‌‌و روونكردنه‌وه‌كه كۆمه‌ڵێك خاڵی زۆر گرنگی تێدایه، كه په‌یوه‌ستن به خودی فه‌توایه‌كه‌‌و، رۆڵی راگه‌یاندن‌و رێكخراوه‌كانی ئافره‌تان‌و كۆمه‌ڵگای مه‌ده‌نی.
ته‌واوی ئه‌و روونکردنه‌وه له به‌شی (فه‌توا) بخوێنه‌وه.
فه‌توایه‌که‌ش له به‌شی فه‌توا هه‌یه.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
