یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
سه‌رۆكی زانایان: داعش هیچ پەیوەندی بە ئیسلامەوە نییە‌
به‌رواری دابه‌زاندن: 04/08/2014 : 13:23:19
قه‌باره‌ی فۆنت

له‌ میانه‌ی دیمانه‌یه‌كی سایتی زانایان، مه‌لا عه‌بدوڵا مه‌لا سه‌عید سه‌رۆكی زانایانی كوردستان تیشك ده‌خاته‌ سه‌ر رووداوه‌كانی ئه‌م دواییه‌ی عێراق‌و كوردستان‌و ئه‌و كرده‌وه‌ تیرۆریستیانه‌ی رێكخراوی داعش ئه‌نجامی ده‌دات له‌ كوشتن‌و بڕین‌و تۆقاندن‌و ئاواره‌كردن‌و تێكدانی مزگه‌وت‌و نه‌هێشتنی شوێنه‌واری ئیسلامی.

سه‌رۆكی زانایان ده‌ڵێت: ئێمه‌ به‌ روونی بۆ هه‌موو لایه‌كی روون ده‌كه‌ینه‌وه‌، ئیسلام هه‌میشه‌ ئایینی ره‌حمه‌ت‌و میهره‌بانی بووه‌‌و، به‌ درێژایی مێژووی ئیسلامی، جیهانی ئیسلامی دنیای برایه‌تی‌و پێكه‌وه‌ژیانی ئایینی‌و مه‌زه‌بی‌و تائیفی بووه‌، هه‌ر رووداوێكیش روویدا بێت وه‌كو ئیسلام نه‌بووه‌، مانه‌وه‌ی ئه‌م هه‌موو پێكه‌وه‌ژیانه‌ش دیارترین به‌ڵگه‌یه‌ بۆ ئه‌م راستییه‌. بۆیه‌ تیرۆریسته‌كان به‌م كارانه‌ی ئه‌نجامی ده‌ده‌ن خۆیان له‌ ئیسلام به‌ری ده‌كه‌ن‌و، به‌رگی ئیسلام له‌ خۆیان داده‌كه‌نن، چونكه‌ كاره‌كانیان هیچ په‌یوه‌ندی به‌ ئیسلامی ره‌حمه‌ته‌وه‌ نییه‌‌و، ئه‌و كارانه‌ی ده‌یكه‌ن له‌ كوشتنی مرۆڤه‌كان‌و ئیهانه‌كردنی ئافره‌تان‌و كوشتنی زانایانی ئایینی‌و تێكدانی پێكه‌وه‌ژیانی ئایینی‌و نه‌ته‌وه‌یی‌و مه‌زه‌بی پێچه‌وانه‌ی ئایینی ئیسلامن.

سه‌رۆكی زانایان گازانده‌ی تووندیشی له‌ جیهانی ئیسلامی گرت به‌ وڵات‌و رێكخراو‌و لایه‌نه‌ ئیسلامیه‌كانه‌وه‌، كه‌ بێ‌ ده‌نگیان نواندووه‌ له‌ هه‌ڕه‌شه‌كانی داعش بۆ سه‌ر ئیسلام‌و نه‌ته‌وه‌‌و گه‌لان و ئایین‌و مه‌زه‌به‌ جیاوازه‌كان ده‌یكات، ئه‌مه‌ش له‌ مێژوودا ده‌بێته‌ په‌ڵه‌یه‌كی ره‌ش‌و دواجار ویژدانیان موحاسه‌به‌یان ده‌كات‌و، رۆژێك دادێت وه‌كو هه‌ڵوێستیان به‌رامبه‌ر جینۆسایدی كورد له‌ سه‌ده‌ی رابردوو ئاره‌قه‌ی شه‌رمه‌زاری ده‌ڕێژن.

سه‌رۆكی زانایان زیاتر ره‌خنه‌ی له‌ جیهانی موسڵمان گرت چونكه‌ ئه‌وه‌ی ئه‌مڕۆ داعش به‌رامبه‌ر به‌ كورد‌و پێكهاته‌كانی دیكه‌ی عێراق ده‌یكات له‌ كوشتن‌و هه‌تكردن‌و تاڵانكردن‌و شێواندن‌و رووخاندنی مه‌زارگه‌‌و ته‌قاندنه‌وه‌ی مزگه‌وت‌و كوشتنی زانایانی ئایینی زۆر لەوە گەورەترە كه‌ ئیسرائیل به‌رامبه‌ر كه‌رتی غه‌زه‌ی فه‌له‌ستین ده‌یكات.

كه‌واته‌ به‌ره‌نگاربوونه‌وه‌ی تیرۆریستان ته‌نها ئه‌ركی پێشمه‌رگه‌‌و هێزی چه‌كداری نییه‌، به‌ڵكو ئه‌ركی هه‌موو تاكێكه‌ به‌تایبه‌تی موسڵمانان، چونكه‌ ئه‌وانه‌ پێش هه‌موو شتێك ئاینه‌كه‌مان ده‌رفێنن، بۆیه‌ ئه‌ركی هه‌موو لایه‌كه‌ رووبه‌روویان ببنه‌وه‌، ئه‌ركی هه‌ره‌ سه‌ره‌كیش ده‌كه‌وێته‌ سه‌ر شانی مامۆستایانی ئایینی به‌ڕێز، تا بۆ هاووڵاتیانی روون بكه‌نه‌وه‌ كه‌ ئه‌م شتانه‌ هیچ په‌یوه‌ندیان به‌ ئیسلامه‌وه‌ نییه‌‌و، ئه‌م تیرۆریستانه‌ له‌ ئوممه‌تی ئیسلام ده‌رچوونه‌، چونکە تیرۆریست موسڵمان نییەو موسولمانیش نابێتە تیرۆریست، هه‌روه‌ها پێویسته‌ مامۆستایانمان له‌ دوعا‌و پاڕانه‌وه‌كانیشیان به‌رده‌وام بن به‌تایبه‌تی بۆ برا پێشمه‌رگه‌كانمان و هاولاتیه‌ بێ‌ ده‌سه‌لاته‌كان.