یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان بە بۆنەی هاتنەوەی جەژنی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا شێخ محمد شێخ سەمیع قەرەداغی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عزت اللە مەلا محمد هەرتەلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا سەید رەشاد تەوێڵەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا شێخ محمد شێخ عبدالکریم بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: بێ رێزی و سوکایەتی بەرامبەر قورئانی پیرۆز بەتوندی ئیدانە دەکەین و ئەرکی دەزگا ئەمنیەکانە بکەران ئاشکرا بکات    *****    *****   سەرۆکی یەکێتی زانایان وەک وەفاو خزمەت لەسەر ئەرکی بنەماڵەکەیان کتێبخانەیەک لە سۆران دەکاتەوە    *****    *****   سه‌رۆكی ئه‌نجوومه‌نی باڵای فه‌توا: پێویستە‌ پارته‌ نیشتمانپه‌روه‌ره‌كانی كوردستان هه‌مان گیانی خۆڕاگری و ته‌بایی و برایه‌تی بپارێزن    *****    *****   لەساڵیادی رۆژی رۆژنامەگەری کوردی یەکێتی زانایان پەیامێک ئاراستەی دەزگاکانی راگەیاندن دەکات و دەڵێت: سوکایەتی بەرامبەر پیرۆزییەکان و شێواندنی پێکەوەژیان قابیلی قبوڵ نیە    *****    *****   سەرۆکی حکومەتی هەرێم ستایشی رۆڵی زانایان دەکات    *****    *****   بەرێوەبەری ناحیەکانی خلیفان و دیانا و سیدەکان و بەڕێوەبەری ئەوقافی سۆران سەردانی لقی سۆرانی یەکێتی زانایان دەکەن    *****    *****   پەیامی پیرۆزبایی یەکێتی زانایان بە بۆنەی هاتنی مانگی پیرۆزی رەمەزانەوە   
سەرۆکی یەکێتی زانایان بۆ وەفاتی زانای ناوداری رۆژهەڵاتی کوردستان مامۆستا مەلا عبدالقادر بەیزاوی پرسەنامەیەکی ئاراستە دەکات
به‌رواری دابه‌زاندن: 06/11/2020 : 22:36:13
قه‌باره‌ی فۆنت

 رۆژی 5ی11ی2020 زانای ناوداری رۆژهەڵاتی کوردستان و شاری ئورمیەی مامۆستا مەلا عبدالقادر بەیزاوی كۆچی دوایی كرد، بەو بۆنەوە سەرۆکی یه‌کێتی زانایانی ئایینی ئیسلامی کوردستان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:


به‌ناوی خوای گه‌وره‌و میهره‌بان


(وَبَشِّرِالصَّابِرِينَ الَّذِينَ إِذَاأَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّاإِلَيْهِ رَاجِعُونَ)


خانه‌واده‌ی به‌رێز مامۆستا مەلا عبدالقادر بەیزاوی


برایانم لە زانایانی ئایینی کوردستانی رۆژهەڵات و شاری ئورمیە


وێرای رازیبوون بە قەدەری خوای تەعالا هەواڵی کۆچی دوایی زانای ناوداری ئایینی کوردستانی رۆژهەڵات و کەسایەتی دیاری شاری ئورمیەو پێشنوێژو وتارخوێنی مزگەوتی گەورەی ئەهلی سووننە (مزگەوتی ئیمامی شافعی) لە شاری ئورمیەم پێگەیشت، کە بەهۆی نەخۆشیەوە کۆچی دوایی کرد.


جەنابی مامۆستا زانایەکی دیارو بە ئەزموون و خەمخۆری شەریعەت و موسڵمانان و رابەرێکی کاریگەری شارەکەو کوردانی رۆژهەڵات بوو، لەخزمەتی مزگەوت و پێگەیاندنی فەقێ و پرسە شەرعیەکان درێغی نەکردو هەموو تەمەنی وەک چرایەکی گەش لەپێناو هەردوو قەزیەی ئایینی و هەستی نەتەوەپەروەی رووناکی دەبەخشی و هەمیشە خۆیی و خانەوادەکەی لەخزمەت رۆڵەکانی کوردو لەکاتی ئاوارەییش خەمخۆری لێقەوماوان و ماڵباتە کوردەکان بوو، لەراگرتنی هاوسەنگی و خزمەتی رێبازی ئەهلی تەسەنوون و رێرەوی گەورە زانایانی مەزهەبی ئیمامی شافعی رۆڵی دیارو بەرچاوو بوو، بۆیە لای هەمووان جێگەی رێزو لەهەمان کاتیش بە وەفاتی کەلێنێکی گەورەی لەناو شارەکەو ئەهلی عیلم دروست کرد.


بەو بۆنەوە پرسەو سەرەخۆشی ئاراستەی خانەوادەی مامۆستای رەحمەتی و زانایانی کوردستانی رۆژهەڵات و فەقێ و دۆستانی مامۆستا دەکەم، خوای گەورە بە لوتفی پڕ میهرەبانی خۆی بیخاتە ژێر رەحمەتی خۆیی و بە بەهەشتی بەرینی شاد بکات و سەبرو ئارامی بە کەس و کاری ببەخشێت.


انا لله وانا الیه راجعون


د. عبدالله مەلا سەعید گرتکی


سەرۆکی یەکێتی زانایانی ئایینی ئیسلامی کوردستان


 6ی11ی2020


هەولێر- کوردستان