یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی سۆرانی یەکێتی زانایان دانیشتنی هەفتانەی خۆی سازدەکات    *****    *****   لقی شقلاوەی یەکێتی زانایان پێشوازی لە شاندێکی زانایانی فەلوجە دەکات    *****    *****   لقی زاخۆی یەکێتی زنایان کۆبوونەوەیەک ئەنجام دەدات    *****    *****   لقی سلێمانی پێشوازی لە شاندێکی باڵای سەنتەری ساداتی پیرخدری دە کات    *****    *****   لقی سلێمانی یە کێتی زانایان بە شداری خولێکی دەرچوانی فێرخوازانی قورئانی پیرۆز دەکات    *****    *****   سەرۆکی یەکێتی زانایان بەشداری کۆڕبەندی زانستی پزیشکی ئیسلامی لە شاری هەولێر دەکات    *****    *****   شاندێک لە مەتڕانەکانی عەنکاوەی شاری هەولێر سەردانی مەکتەبی تەنفیزی یەکێتی زانایان دەکات    *****    *****   روونکردنەوەیەک لە یەکێتی زانایان سەبارەت بە پێشنیازە یاسای بەرەنگاربوونەوەی توندو تیژی خێزان و ئافرەت لە هەرێمی کوردستان    *****    *****   کونسوڵی گشتی شانشینی ئوردەن سەردانی مەکتەبی تەنفیزی یەکێتی زانایان دەکات    *****    *****   مامۆستا مەلا مستەفای حافز کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەمینداری گشتی یەکگرتووی ئیسلامی پەیامێکی پیرۆزبایی ئاراستەی یەکێتی زانایان دەکات    *****    *****   جێگری سەرۆکی هەرێم په‌یامی پیرۆزبایی ئاراسته‌ی یه‌كێتیی زانایانی ئایینی ئیسلامی كوردستان دەکات   
لەپێناو بەرژەوەندی گشتی و پاراستنی بەها ئەخلاقی و خێزانیەکان یەکێتی زانایان و وەزارەتی گواستنەوە کۆنگرەیەکی رۆژنامەوانی ساز دەکەن
به‌رواری دابه‌زاندن: 21/08/2022 : 13:29:20
قه‌باره‌ی فۆنت

ئەمرۆ 21ی8ی2022 بەرێز د. عبدالله مەلا وەیسی سەرۆکی یەکێتی زانایان بە ئامادەبوونی بەرێز مامۆستا مەلا جەلال خەیلانی جێگری سەرۆک و ژمارەیەک لە ئەندامانی مەکتەبی تەنفیزی و سەرکردایەتی و لقی هەولێری یەکێتی زانایان پێشوازیان لە بەرێز ئانۆ جەوهەر وەزیری گواستنەوەو گەیاندن و مامۆستا جەمال بەرێوەبەری گشتی لە دیوانی وەزراەت و ستافی وەزارەت کرد.


سەرەتا وەزیری گواستنەوە سوپاسی پێشوازی گەرمی یەکێتی زانایانی کردو باسی لە رۆڵ و پێگەی یەکێتی زانایان لەخزمەتکدرنی کۆمەڵگەو پێکەوەژیانی ئایینی و پاراستنی بەهای کۆمەڵایەتی و رەوشتی کۆمەڵگەو ئەو دەسپێشخەرییەی یەکێتی زانایان سەبارەت بە قەدەغەکردنی سایتە ئابڕوبەرەکان کردو رایگەیاندن ئێمە سوپاسی ئێوە دەکەین و چاوەڕوانی پاڵشتی ئێوەین بۆ سەرخستنی ئەم هەنگاوە لەخزمەتی کوردستانە.


دواتر بەرێز د. عبدالله مەلا وەیسی سەرۆکی یەکێتی زانایان سوپاسی وەزیری گواستنەوەو گەیاندنی کردو خواستی یەکێتی زانایان و مامۆستایانی ئایینی خستە ڕوو لە خزمەتکردنی ئایینی ئیسلام و پێکەوەژیانی ئایینی و نەتەوەیی و کارکردن لەسەر هێشتنەوەی بەهاو رەوشتە کۆمەڵایەتیەکان و هۆشیارکردنەوەی خێزان و رۆڵەکان لەسەر پەروەردەیەکی دروست و دوور لە لادان و هەڵوەشانەوەو تێکچوونی شیرازەی خێزان و هەڵسوکەوتی نەشیاو.


دواتر لە کۆنگرەیەکی رۆژنامەوانیدا هەردوو بەرێزان د. عبدالله مەلا وەیسی سەرۆکی یەکێتی زانایان و ئانۆ جەوهەر وەزیری گواستنەوەو گەیاندن ناوەرۆکی بڕیاری (پاکێجی ئینتەرنێتی خێزانی- چەپکەی خێزانی) کە کۆمەڵێک خاڵی گرنگ خۆ دەگرێت لە کۆنگرەیەکی رۆژنامەوانی بۆ رای گشتی و دەزگاکانی راگەیاندن روون کردەوە.


یەکێتی زانایان لە نوسراوی ژمارە (54و55) لە بەرواری 23ی1ی2019 بە فەرمی داوایەکی ئاراستەی هەروودو وەزراەتی گواستنەوەو گەیاندن و سەرۆکایەتی داواکاری گشتی کرد، لە پێناو بەرژەوەندی گشتی و پاراستنی بەها کۆمەڵایەتی و خێزانیەکان و دانانی سنورێک بۆ ماڵپەڕە خراپ و ئابڕوبەرو نەشیاوەکان، بۆ ئەوەی نەبنە هۆکاری تێکدانی رەوشتی گەنجان و کۆمەڵگەی کوردی و شێواندنی بەها کۆمەڵایەتیەکان. دواترو لە بەرواری 4ی3ی2020 وەزارەتی گواستنەوەو گەیاندن بەنوسراوی فەرمی ژمارە (795) ولامی یەکێتی زانایانی داوەتەوەو بە فۆرمی (بلۆککردنی سایتە ئابڕوبەرەکانی ئینتەرنێت) گشاندنێکی ئەنجامداو بڕیاری کارکردنی لەم بارەوە دەرکرد. هەروەها داواکاری گشتی بەنوسراوی ژمارە 108 لە بەرواری 4ی2ی2019 وڵامی یەکێتی زانایانی دایەوەو پابەندکردنی کۆمپانیاکانی ئینتەرنێتی بە راگرتنی ماڵپەرە سێکسیەکان خستە بەرنامەی کارەوە.


دواجار وەزارەتی گواستنەوەو گەیاندن بە نوسراوی ژمارە (2342) لە بەرواری 17ی8ی2022 فەرمانێکی تایبەت بە پاکێجی ئێنتەرنێتی خێزانی دەرکردو تێیدا ئاماژە بەوە دەکات، کە لە پێناو بەرژەوەندی گشتی و پاراستنی داب و نەریت ئەخلاقی بەرزی کۆمەڵگەی کوردستان و ژیانی خێزانی  و کەمکردنەوەی لایەن نەرێنیەکانی ئینتەرنێت و خراپ بەکار هێنان، بڕیارماندا سەرجەم کۆمپاناکانی ئینتەرنێت و مۆبایل بواری پاکێجی ئینتەرنێتی خێزانیان هەبێت.


لە نوسراوەکە ئاماژە بە چەند بابەت و خاڵێک کراوە، کە بە پێی بڕیارەکە دەبێ پاکێجەکە رێگەیان پێ نەدات لەوانە: سوکایەتی بە ئایین و پێغەمبەران و کتێبە ئاسمانیەکان و سەرجەم ئایین و ئایینزاکان و، تێکدانی ئاسایشی پێکەوەژیان و بڵاوکردنەوەی رق و کینەو توندو تیژی و، بۆککردنی ماڵپەڕە سێکسیەکان و، کرین و فرۆشتنی چەک و، قومار بەهەموو جۆرەکانیەوەو، دراوی ئەلیکترۆنی و هاندان بۆ جگەرەو ماددە کحولیەکان و، ماددەی هۆشبەرو توندوتیژی خێزانی ..هتد.


لەکۆتایی نوسراوەکە ئەوەش هاتووە، کە وەزارەتی گواستنەوەو گەیاندن لەکاتی کەمتەرخەمی هەر کۆمپانیایەکی ئێنتەرنێت و مۆبایل رێکاری یاسایی دەگرێتە بەرو سزای یاسایی بەسەر لایەنی ناپابەند دەسەپێنێت.