ئه‌مڕۆ یه‌كشه‌ممه رێكه‌وتی 12/12/2010 شاندێكی پلاتفۆڕمی ئافره‌تان، كه پێك هاتبوو له به‌ڕێزان: نێرگز عه‌بدولڕه‌زاق له سه‌نته‌ری خاتوو زین‌و، هێرۆ ساڵح له یه‌كگرتووی خوشكان‌و، ڕه‌ئه‌م عادل له تواناسازی ئافره‌تان‌و، ره‌مزیه عه‌بدولوه‌هاب به‌ڕێوه‌به‌ری لێكۆڵینه‌وه‌و زانیاریه‌كانی جه‌نده‌ر‌و، له‌نجه عه‌بدوڵڵا به‌رپرسی ده‌زگای وارڤین‌و، هودا زه‌نگه‌نه به‌رپرسی رێكخراوی ئاسك‌و، سۆزان فه‌قێ به‌رپرسی لقی هه‌ولێری یه‌كێتی ژنان، سه‌ردانی مه‌كته‌بی ته‌نفیزی یه‌كێتی زانایانی ئاینی ئیسلامی كوردستانیان كردو، به گه‌رمی له لایه‌ن به‌ڕێزان مامۆستا مه‌لا جه‌لال خه‌یلانی جێگری سه‌رۆكی یه‌كێتی زانایان‌و، مامۆستا مه‌لا دلشاد گه‌ڵاِڵه‌یی له به‌شی په‌یوه‌ندیه‌كانی یه‌كێتی زانایان پێشوازیان لێكرا.
سه‌ره‌تا شاندی میوان سوپاسی ئه‌م پێشوازیه‌یان كردو، دواتر باسیان له‌و راپۆرته‌ی وه‌زاره‌تی ته‌ندروستی كرد، كه لێژنه‌یه‌كی پسپۆڕی پزیشكی ئاماده‌ی كردووه‌و، باس له زیانه‌كانی خه‌ته‌نه‌كردنی ئافره‌تان ده‌كات، كه ده‌كرێ به هۆی ده‌رچوونی راپۆرتێكی له‌م شێوه‌یه، یه‌كێتی زانایان فه‌توای نوێ‌‌و تایبه‌تیان ده‌ربكه‌ن‌و، لایه‌نی ئاینی سه‌باره‌ت به به‌خه‌ته‌نه‌و راپۆرته‌كه‌یش بۆ جه‌ماوه‌ری كوردستان روون بكه‌نه‌وه.
له لایه‌ن خۆیه‌وه به‌رێز جێگری سه‌رۆكی یه‌كێتی زانایان، پشتگیری ته‌واوی بۆ ئافره‌تان دوپات كرده‌وه‌و، به‌لێنی دا كه داواكه‌یان بخاته به‌رده‌م زانایانی لێژنه‌ی فه‌توا، تا به فه‌توای تایبه‌ت تیشك بخه‌نه سه‌ر هه‌موو لایه‌نه‌كانی تایبه‌ت به باسی خه‌ته‌نه‌‌و، پرسه‌كانی تایبه‌ت به‌م بابه‌ته.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
