رۆژی 17ی12ی2024 کۆلێژی زانستە ئیسلامیەکانی زانکۆی سلێمانی سیمینارێکی تایبەتیان بەناونیشانی (پێگەی ئاڵا لە ئایینی پیرۆزی ئیسلام و ئاڵای ئێستای کوردستان) بۆ بەرێز دکتۆر عرفان رشید ئەندامی مەکتەبی تەنفیزی یەکێتی زانایان و مامۆستای زانکۆ ساز کرد، کە تێیدا راگری کۆلێژو مامۆستایانی کۆلێژی زانستە ئیسلامیەکان و قوتابیان بەشدار بوون.

لەم سیمینارە بەرێز د.عرفان رشید بە تێروتەسەلی باسی لە پێگەو گرنگی ئاڵاو بایەخی ئیسلام بە ئاڵا وەک شوناسی موسڵمانان و تەواوی نەتەوەکان کردو چەند بەڵگەیەکی هێنایەوە کە ئاڵا جێی رێزو هێمای کۆکەرەوەی تاکەکانی نەتەوەیە لەژێر یەک شوناسی نیشتمانی کە پێی دەگوترێ ئاڵا.

دواتر بە وردی باسی لە مێژووی ئاڵای کوردستان و بایەخی گەورە پیاوانی کوردو زاناو عاریفان بۆ بەکارهێنانی ناوو پێگەی ئاڵا بۆ وەرگرتنی ئیلهامی ئەدەبی و هەستی نەتەوەیی و گڕوتینی نیشتمانپەروەری کردو ماناو ئاماژەکانی ئاڵای بۆ ئامادەبووان شیکردەوەو ئەوەشی بە گرنگ زانی؛ کە ئیسلام گرنگی زۆر بە ئاڵا داوە گرنگە خۆشمان وەک نەتەوە بایەخی تەواو بە ئاڵای خۆمان هەستی نەتەوەیی و نیشتمانپەروەری خۆمان بدەین.