تایبه‌ت به (zanayan.org): له میانه‌ی سمینارێكی مه‌كته‌بی ته‌نفیزی یه‌كێتی زانایان، كه به‌بۆنه‌ی به‌ره‌نگاربوونه‌وه‌ی ماده هۆشبه‌ره‌كان له هۆڵی زانایان سازی درابوو، فه‌رسه‌ت دۆله‌مه‌ری به‌ڕێوه‌به‌ری به‌ڕێوه‌به‌رایه‌تی ماده هۆشبه‌ره‌كان له هه‌رێمی كوردستان رایگه‌یاند، كه ئه‌وان به ده‌یان كیلۆ له هه‌موو جۆره‌كانی ماده هۆشبه‌ره‌كانیان گرتووه‌‌و، ژماره‌یه‌ك بازرگان‌و ئه‌وانه‌شیان گرتوونه كه به‌كاری دێنن، ئێستا له كوردستان نزیكه‌ی 1500 كه‌سی به‌كارهێنه‌ر هه‌یه، له‌وانه (152) كه‌سیان زیندانی كراون، (28) كه‌سیشیان زیندانی یه‌كجاره‌كین.
هه‌ر له‌و سمیناره دۆله‌مه‌ری روونی كرده‌وه، كه ئێستا مافیاكان له بری مادده‌ی هۆشبه‌ر حه‌بی هۆشبه‌ر ده‌هێنن، هه‌واڵی هێنانی سێ لۆری ماده‌ی هۆشبه‌رمان لایه‌‌و، یه‌كێكمان گرتوه‌‌و، دووه‌كه‌ی دیكه‌ش ماون، داواشی له هاووڵاتیان كرد، هه‌ر كه‌سێك ماده‌ی هۆشبه‌ر ده‌هێنێت، یان به‌كاری دێنێت، به حه‌بی هۆشه‌به‌ریشه‌وه خه‌به‌ری ده‌زگاكانی ئاسایش بده‌ن‌و، ئه‌وان ده‌ستگیری ده‌كه‌ن، جا له هه‌ر پله‌‌و پایه‌یه‌ك بێت.
| 
کۆبوونەوەی ئاسایی مەکتەبی تەنفیزی یەکێتی زانایان بەرێوە دەچێت چەند پرسێکی گرنگ و تایبەت تاوتوێ دەکات
