یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا    *****    *****   مامۆستا مەلا عەلی سیامێوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا جەلال مەلا سالح هەڵەبجەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عبدالرحمن قادر ڕوستایی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا فەتاحی شارستێنی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە سەرۆکی بۆردی باڵای وتاری هەینی و شاندێکی یاوەری دەکات   
 هەواڵ 

روونکردنەوەیەك لەسەر کۆنفرانسەکەی دابڕان لە سلێمانی
به‌رواری دابه‌زاندن: 29/03/2015 : 14:01:03
قه‌باره‌ی فۆنت

روونکردنەوەیەك لەسەر کۆنفرانسەکەی دابڕان لە سلێمانی

بەناوی خوای گەورەو میهرەبان

رۆژی ٢٦-٣-٢٠١٥ کۆنفرانسێك لە سلێمانی بەستراو ماوەی دوو رۆژی خایاند. ئێمە لە رێگەی راگەیاندنەکانەوە بەدواداچوونمان بۆ سمینارەکە کرد، بەڕاستی لەم دۆخەدا ئێمەی نیگەران کرد، بەتایبەتی هەردوو وتارەکەی بەرێز مەلا بەختیار تەواو مایەی هەڵوەستە لەسەرکردن بوو، چونکە ئێمەی مەلاو زانایانی ئایینی هەرێمی کوردستان هەمیشە هەوڵمانداوە دینداری خەڵک و باسو خواسی موسڵمانانە لە ململانێ سیاسیەکان دوور بێت، بەڵام ئەم کۆنفرانسە بە روونی دەیەوێت لە پەنای لێدانی حزب و رەوتە ئیسلامیەکان لە خوودی ئایین بدەن و باسگەلێکی زۆر کۆن، کە لە مێژە رۆژهەڵاتناسەکان باسیان کردووەو هەر خۆشیان وەڵامی خۆیان داوەتەوەو، لە دنیای ئەمرۆدا هزرڤان و بیرمەندە مەزنەکان کە هەمیشە بەرامبەر مرۆڤایەتی هەست بە بەرپرسیارێتی دەکەن بەلای ئەم جۆرە باسانەدا ناچن، بەتایبەتی لە دنیای ئەمرۆی کراوەدا پێویستە کار بۆ خاڵە هاوبەشەکان بکرێت و هەستی خۆشەویستی و پێکەوەژیان لە ناو تاکەکان و کۆمەڵگە قوڵتر بکرێتەوە، کەچی ئەم کۆنفرانسە بە روونی دەیەوێت لە رێگەی بەبادانەوەی ئەم کایە کۆنەی رۆژهەڵاتناسەکان پف لە پشکۆی فیتنەی مەزەبی و ئایینی بکاتەوە، کە لە حاڵی ئێستادا باشترین ئامرازی تیرۆریستانە بۆ پەرەدان بە کردەوە قێزەونەکانیان.

لێرەوە وەك یەکێتی زانایانی ئایینی ئیسلامی کوردستان روو دەکەینە بەرێوەبەرانی ئەم پرۆژەیەو بە روونی پێیان دەڵێین: دەکرێ ململانێ سیاسی و ئایدۆلۆژیەکانتان لە چوارچێوەی خۆی پەرە پێبدەن، بەڵام بۆ خاتری ئایدۆلۆژیا فیکریەکانتان پەنا بۆ لێدانی پەیامی دیندارانەی خەڵك مەبەن و، ئەو ئارامیەی خەڵك لە سایەی دینداری دەینۆشێت تیرۆری مەکەن، ئەنجام ئەوەی زەرەر دەکات ئەم وڵات و نیشتیمانەیە، کە ئەرکی هەموومانە کار بۆ ئاشتەوایی کۆمەڵایەتی و فیکری بکەین.

 

یەکێتی زانایانی ئایینی ئیسلامی کوردستان

29/3/2015