دانا مه‌لا حه‌مه‌ئه‌مین ـ گه‌رمیان:
سه‌رله‌ئێواره‌ی ڕۆژی چوارشه‌ممه‌ به‌رواری 23/2/2011 شاندێكی لقی گه‌رمیان، سه‌ردانی ناوچه‌ی خانه‌قینی سه‌ربه‌لقی گه‌رمیانی یه‌كێتی زانایانی ئاینی ئیسلامی كوردستانی كرد له‌شاری خانه‌قین، له‌و سه‌ردانه‌دا باس له‌ كاروچاڵاكیه‌كانی زانایان كرا له‌سنوره‌كه‌دا و ده‌ستخۆشی له‌ ناوچه‌ی خانه‌قین كرا، كه‌ له‌ماوه‌ی ڕابردوودا توانیویه‌تی سه‌ربه‌رزانه‌ ئیش و كاره‌كانی ئه‌نجام بدات به‌ تایبه‌ت به‌رزڕاگرتنی یادی له‌ دایكبونی پێغه‌مبه‌ر (دروودی خوای له‌سه‌ربێت)، و هیوای به‌رده‌وامی و سه‌ركه‌وتنی زیاتریان بۆ خواستن.

لای خۆشیانه‌وه‌ به‌رپرس و ئه‌ندامانی ناوچه‌ی خانه‌قین خۆشحاڵی خۆیان بۆ سه‌ردانی شاندی لق ده‌ربڕی.