- یادی له دایك بونی پێغه‌مبه‌ر (درودی خوای له‌سه‌ر بێت) گه‌وره‌ترین نیعمه‌ته كه به خشراوه به‌ئێمه‌ی ئوممه‌تی ئه‌و ، كه‌واته پێویست و واجبیشه له‌سه‌ر ئێمه كه‌گه‌وره‌یی ئه‌و نیعمه‌ته ئاشكرا بكه‌ین ، - یادی له‌دایك بونی ڕێز لێنانه له‌و پێغه‌مبه‌ره به‌ڕێزو خۆشه‌ویسته 00 - یادی له‌دایك بونی یادی خۆشه‌ویسترین كه‌سه 0 یادی گه‌وره‌ترین ڕۆژه 0 چونكه ڕۆژی له‌دایك بوونی له‌هه‌موو ڕۆژه‌كانی دونیا گه‌وره تره هه‌تا له شه‌وی (لیله القدریش ) گه‌وره‌تره 0 (تنویر القلوب ل 62 ) - یادی پێغه‌مبه‌ر یادی ئیسلامه 0یادی سه‌ر كه‌وتنی موسڵمانانه- یادی یه‌كگرتنی ئیماندارانه – یادی بڵاوبونه‌وه‌ی دینه – یادی تۆقاندنی دوژمنان و ناحه‌زان و مونافیق و ئه‌لقه له‌گوێیانی ئسلامه 0 - ڕۆژی له‌دایك بوونی ڕۆژی هه‌ڵبژاردنی باشترین دروست كراوی خودایه له‌سه‌ر زه‌وی 0 پێم وایه یادی له‌دایك بونی پێغه‌مبه‌ر (درودی خوای له‌سه‌ر بێت) له عیباده‌ته گه‌وره‌كانه چونكه یه‌ك ڕیزی و یه‌ك گرتنی موسڵمانانی تێدایه و سام و هه‌یبه‌تێكی گه‌وره‌ش نیشانی دوژمنان ده‌دات 0 وه‌له‌و دروشمه دینیانه‌شه كه‌پێویسته هه‌موو موسڵمانێك یادی بكاو گرنگی زۆریشی پێبدا ت - یادی له‌دایك بوونی پێغه‌مبه‌ر (درودی خوای له‌سه‌ر بێت) چه‌ژنی موسڵمانانه چه‌ژنی ئیماندارانه چونكه ئه‌و پێغه‌مبه‌ره به‌ڕێزه (سراجا وهاجا ورحمه للعالمینه)- به‌له‌دایك بونی ده‌رگایه‌كانی ئاسمان كرانه‌وه و مه‌لائیكه هاتنه سه‌ر دونیاو قورئانیان بۆ خۆشه‌ویست و نوری چاو تاجی سه‌ر هێنا 0 - به‌هۆی له‌دایك بونی په‌یوه‌ندی ئیمانی له‌به‌ینی ئه‌رزو ئاسماندا په‌یدا بوو 0 - هه‌ر به‌له‌دایك بوونی ئینزارێكی خودایی بۆ هه‌موو تاغوت و فیرعه‌ون و نه‌مروده‌كانی سه‌ر زه‌وی نێردرا تاقی (كیسرا) كه‌چه‌ند قایم بوو شه‌قی برد 0 ئاوی بوحه‌یڕه‌ی (سارا) كه چه‌ند ئاوێكی زۆر بوو چه‌ندیش قوڵ بوو ووشك بوو 0 (ئاگری مه‌جوس) كه زیاتر له هه‌زار ساڵ داگیر سێنرا بوو هه‌ر به‌له‌دایك بونی كوژایه‌وه 0 - به‌له دایك بونی خه‌ڵك خودایان ناسی 0 به‌له‌دایك بونی خه‌ڵك ڕزگاری بوو له‌به‌ندایه‌تی به‌نده‌وه بۆ به‌ندایه‌تی خودای گه‌وره 0 - بۆ له‌دایك بونی زۆرێك له زاناو نوسه‌روشاعیران و ئه‌دیبانمان یادی له‌دایك بوونی پێغه‌مبه‌ریان (درودی خوای له‌سه‌ر بێت) كردۆته‌وه‌و كه‌م زاناو شاعیریش هه‌یه كه‌له‌م بۆنه پیرۆزه‌دا شێعرو هۆنراوه‌و قه‌سیده‌ی نه‌بێ و باسی ئه‌م ئازیزو خۆشه‌ویسته‌ی نه‌كردبێ 0 - له‌یادی له‌دایك بونی پێغه‌مبه‌رمان (درودی خوای له‌سه‌ر بێت) ته‌نها شه‌یتان وشوێن كه وتوانی شه‌یتان پێیان ناخۆشه ئه‌م یاده زیندوو بكرێته‌وه‌و ڕه‌واجی پێ بدرێ 00 ده‌نا هه‌ر كه‌سێك كه خۆشه‌ویستی ئه‌م پێغه‌مبه‌ره خۆشه‌ویسته‌ی له دڵدا بێ دڵی پێی ده‌گه‌شێته‌وه و ڕووی گه‌شی پێ ده‌دره‌وشێته‌وه 00 - خۆشه‌ویستان خودای گه‌وره پله‌و پایه‌ی ئه‌م پێغه‌مبه‌ره‌ی به‌رزو باڵا كردوه – ئه‌گه‌ر هه‌موو دوژمنان و دوژمنانی یادی له دایك بونیشی بیانه‌وێ پله‌و پایه‌ی شكۆداری گه‌وره‌یی به‌ڕێزی نزم بكه‌نه‌وه- ناتوانن 00 چونكه خودای گه‌وره به‌رزی كردۆته‌وه 0 وه‌هه‌ر كه‌سێكیش خۆشه‌ویستی ئه‌م پێغه‌مبه‌ره‌ی (درودی خوای له‌سه‌ر بێت) له‌دڵدا نه‌بێ بزانێ یان نه‌زانێ ماڵ وێرانه كه‌واته هه‌زان جار ڕه‌حمه‌ت له‌خۆت و له‌وانه‌ش كه‌یادی له‌دایك بونت ده‌كه‌نه‌وه چرا هه‌ڵده‌كه‌ن ڕێگای تاریك ڕۆشن ده‌كه‌نه‌وه 0 زیاتر به‌خه‌ڵكت ده‌ناسێنن 0 له‌داهاتوش دڵڕه‌ق و نه‌خۆشه‌كان دڵ تاریك و دڵ ته‌نگه‌كان كه‌وه‌ك شه‌مشه‌مه كوێره له‌به‌ر ڕوناكی ڕاده‌كه‌ن له‌قه‌ولی قه‌دیمی خۆیان په‌شیمان ده‌بنه‌وه‌و ده‌گه‌ڕێنه‌وه 0 گه‌رانه‌وه‌ش بۆ هه‌ق و ڕاستی گه‌وره‌ییه نه‌ك بچوكی 0 وه‌كه‌سیش له هه‌ڵه بێبه‌ری نییه 000 - كه‌سێكی وه‌ك (مامۆستا مه‌لا عبدالكریم المدریس) كه به شافعی كوردستان ناسراوه وه‌هه‌موو زانایانی عێراقیش به كوردستانیشه‌وه به‌مه‌رجه‌عی خۆیان زانیوه‌و قه‌ناعه‌تی ته‌واویان پێی هه‌بوه 0 ئه‌و زانا به‌ڕێزه‌ش خاوه‌ن علم و زانست و ته‌قوایه‌ش كتێبی مه‌ولودی نوسیوه‌و قه‌سیده‌یه‌كی زۆر جوانیشی هه‌ر بۆ نوسیوه 0 گه‌ر بیزانیبایه یادی له‌دایك بونی شتێكی ناڕه‌وایه نه‌ی ده‌نوسی 0 هه‌روه‌ها زانایان و یه‌كیه‌تی زانایانیش كه‌به‌ئه‌ركێكی دینی و شتێكی زۆر پیرۆزیان نه‌زانیبایه له‌زۆربه‌ی زۆری مزگه‌وته‌كانی كوردستان ئه‌م یاده نه‌ده‌كرایه‌وه 0 وه‌خه‌ڵكی ئیماداریش به‌م چۆش و خرۆشه پێشوازییان لێنه‌ده‌كرد 000 - شاعیری گه‌وره‌ی كوردیش مـه حوی ده‌ڵێ : چ مه‌دحێكت بكه‌م لایق به‌تۆ یا خیر خلق الله منی بێ خێری نا لایق كه جبریلت سه‌نا خوانـه ئه‌لا ئه‌ی فه‌خری عاله‌م (رحمه للعاله‌مین) تۆ له‌ده‌رهه‌ق ناكه‌س وكه‌س ڕه حم و لوتفی ئێوه یه‌كسانـــه | 