له په‌یامێكدا كه ئاڕاسته‌ی مه‌كته‌بی ته‌نفیزی یه‌كێتی زانایانی ئیسلامی كوردستانیان كردووه، دوێنێ سێ شه‌ممه 5/3/2011 لقی رانیه‌ی یه‌كێتی زانایان، هه‌ڵوێستی مه‌كته‌بی ته‌نفیزی یه‌كێتی زانایان له ئاست گرتنی وتاربێژان‌و سوكایه‌تی نواندن به‌رامبه‌ر به زانایان به‌رز ده‌نرخێنن‌و، وێڕای ده‌ستخۆشی‌و پاڵپشتیان بۆ سه‌رۆكایه‌تی یه‌كێتی زانایان‌و مه‌كته‌بی ته‌نفیزی، هه‌وڵه‌كانیان بۆ به‌دواداچوونی كێشه‌ی زانایان له سه‌رتاسه‌ری كوردستان به جومێرانه‌و بوێرانه ناو ده‌بات.
ئه‌مه‌ی خواره‌وه ده‌قی په‌یامه‌كه‌یه:
به‌ناوی خوای گه‌وره‌و میهره‌بان
بۆ به‌ڕێز مه‌كته‌بی ته‌نفیزی یه‌كێتی زانایانی ئاینی ئیسلامی كوردستان:
السلام عليكم ورحمة الله وبركاته
ئێمه وه‌ك لقی ڕانیه‌ی یه‌كێتی زانایانی ئایینی ئیسلامی كوردستان، پاڵپشتی له بڕیار و ڕاگه‌یاندنی مه‌كته‌بی ته‌نفیزی یه‌كێتی زانایان ده‌كه‌ین، به‌و هه‌ڵوێسته جوانه و بوێرانه‌ی كه هه‌تانه به‌رامبه‌ر ئه‌و گرتن و بردن‌و لادانی زانایانی ئایینی‌و، دوورخستنه‌وه‌یان له وتار بێژی و، سوكایه‌تی نواندن له ئاستیان، كه چه‌ند وه‌ختێكه لێره‌و له‌وێ ده‌ستی پێكردووه، ئێمه له كاتێكدا كه هیوامان وایه كه ئه‌م كارانه بن بڕبكرێن و دووباره نه‌بنه‌وه، له هه‌مان كات دڵخۆشین كه ده‌بینین یه‌كێتی زانایان به ئه‌ركی خۆی هه‌ڵده‌ستێ‌‌و، داكۆكی ده‌كات له‌سه‌ر ئازادی راده‌ربڕینی وتاربێژان‌و، وابه‌سته نه‌بوونیان به كۆت‌و به‌ندی هیچ لایه‌نێكه‌وه.
خوای گه‌وره سه‌ركه‌وتووتان بكات
لقی رانیه‌ی یه‌كێتی زانایان
5/4/2011
| 
