دانا مه‌لا حه‌مه‌ئه‌مین – گه‌رمیان :
به‌مه‌به‌ستی زیاتر گرنگی دان به‌ په‌یوه‌ندی یه‌ كانی یه‌كیتی زانایان و ده‌زگاكانی راگه‌یاندن له‌سنوره‌كه‌ سه‌رله‌به‌یانی رۆژی یه‌ك شه‌ممه‌ به‌رواری 1/1/2012 به‌ریز مامۆستا مه‌لا حه‌مه‌ئه‌مین كه‌لاری ئه‌ندامی مه‌كته‌بی ته‌نفیزی و لیپرسراوی لقی گه‌رمیان به‌یاوه‌ری به‌ریز مامۆستا مه‌لا ئیدریس ژاله‌یی به‌رپرسی راگه‌یاندنی لقی گه‌رمیانی یه‌كیتی زانایان سه‌ردانی رادیوی ته‌واری زمانحالی یه‌كیتی ژنانی كوردستانیان كرد له‌شاری كه‌لار ، سه‌ره‌تا له‌لایه‌ن خاتوو جیهان محمد به‌ریوه‌به‌ری رادیوی ته‌واروه‌ به‌گه‌رمی پیشوازی كران و دواتر هه‌ردوولا خۆشحالی خۆیان به‌ بته‌وكردنی زیاتری نیوانیان ده‌ربری بریاریاندا له‌ سالی نویدا به‌رنامه‌یه‌ك تایبه‌ت بكریت بۆ زانایانی ئاینی بۆئه‌وه‌ی هۆشیاری ئاینی تایبه‌ت به‌ ژنان بخه‌نه‌ روو ... له‌و باره‌یه‌وه‌ به‌ریز مامۆستا مه‌لا ئیدریس ژاله‌یی به‌رپرسی راگه‌یاندنی لقی گه‌رمیان تایبه‌ت به‌ سایتی زانایان پیی راگه‌یاندین و گوتی " سه‌ردانی ئه‌مرۆمان بۆ ئیزگه‌ی ده‌نگی ته‌وار بۆ په‌ره‌پیدانی هه‌ماهه‌نگی و هاوكاری نیوان یه‌كیتی زانایان و ده‌زگاكانی راگه‌یاندن بوو سوپاسی پیشوازی و به‌ده‌مه‌وه‌ هاتنیان لی ئه‌كه‌ین و هه‌ر له‌و سه‌ردانه‌ماندا بریارماندا كه‌ به‌رنامه‌یه‌كی هه‌فتانه‌مان هه‌بیت تایبه‌ت به‌ لقی گه‌رمیانی یه‌كیتی زانایان بۆ هۆشیاركردنه‌وه‌و رۆشنبیرتركردنی كۆمه‌لگه‌ له‌ ئه‌ركه‌ ئاینی و كۆمه‌لایه‌تی و ئینسانی یه‌كان و پشت به‌خوا له‌ داهاتوویه‌كی نزیكدا ئه‌یخه‌ینه‌ جی به‌ جی كردنه‌وه "