ڕاگه‌یاندنی لقی چه‌مچه‌ماڵ
ڕۆژی شه‌ممه 31/12/2011 شاندێكی لقی چه‌مچه‌ماڵی یه‌كێتی زانایانی ئایینی ئیسلامی كوردستان، كه پێكهاتبو‌و له مامۆستا شێخ وه‌هاب سه‌نگا‌وی لێپرسرا‌وی لق‌و، مامۆستا سید نجم الدین ئه‌ندامی لێژنه‌ی فه‌توای لق و، چه‌ند مامۆستایه‌كی تر، له ماڵی كریم ئاغای هه‌مه‌‌وه‌ند ئاماده‌ی كۆڕێك بو‌ون كه، له‌لایه‌ن رێكخرا‌وی ئاشتی خێرخوازی یه‌‌وه سازكرابو‌و.
ئه‌مه‌و ژماره‌یه‌كی به‌رچاوی كه‌سایه‌تی كۆمه‌ڵایه‌تی ناوچه‌كه ئاماده‌ی كۆڕه‌كه بوون‌و، كه ئامانج لێی وه‌رگرتنی ڕا‌و سه‌رنج و پێشنیاری ئاماده‌بووان بو‌و، به مه‌به‌ستی سازدانی كۆنفرانسێك له‌لایه‌ن ڕێكخرا‌وی نا‌وبرا‌وه‌‌وه له‌سه‌ر ئاستی هه‌رێمی كوردستان، بۆ لێكنزیكردنه‌‌وه‌ی سه‌رجه‌م پێكهاته‌‌و ئایین و بیر‌و بۆچو‌ونه جیا‌وازه‌كان له یه‌كتر له هه‌رێم.
ڕۆژی دواترو له به‌رواری 1/1/2012، شاندێكی لقی چه‌مچه‌ماڵی یه‌كێتی زانایان، كه پێكهاتبو‌و له مامۆستا شێخ وه‌هاب سه‌نگا‌وی لێپرسرا‌وی لق و، مامۆستا محمد تاڵه‌بانی و، مامۆستا ئه‌نور زه‌نگه‌نه‌‌و، مامۆستا أیوب علی كارگێڕانی لق ئاماده‌ی گردبو‌ونه‌‌وه‌یه‌كی جه‌ما‌وه‌ریی بو‌ون، كه له‌لایه‌ن پارته سیاسییه‌كان و ڕێكخرا‌وه‌كانی كۆمه‌ڵگه‌ی مه‌ده‌نییه‌‌وه سازكرابو‌و بۆ ناره‌زایی ده‌ربڕین به‌رامبه‌ر به‌تا‌وانی كوشتنی زیاتر له 35 ها‌وڵاتی سڤیلی كورد له‌لایه‌ن فرۆكه‌جه‌نگییه‌كانی توركیا له هه‌رێمی شه‌رناخ.
ئه‌مه‌و له ڕێوڕه‌سمه‌كه‌دا چه‌ندین در‌وشم و هۆنرا‌وه‌‌و سر‌ودی نه‌ته‌‌وه‌یی خوێندرایه‌‌وه‌‌و، ههروهها به‌یاننامه‌ی فه‌رمی به‌نا‌وی دانیشتوان و پارت و ڕێكخرا‌وه‌كانی سنوره‌كه‌‌وه له‌لایه‌ن به‌رپرسی لقی یه‌كێتی زانایانه‌‌وه خوێندرایه‌‌وه .
پاشان ئێواره‌ی هه‌مان رۆژ، لقی چه‌مچه‌ماڵی یه‌كێتی زانایان كۆبو‌ونه‌‌وه‌یه‌كی تایبه‌ت و فرا‌وانی ئه‌نجامدا له‌گه‌ڵ سه‌رجه‌م ستافی لق‌و، كۆبونه‌وه‌كه زیاتر له 2 كاتژمێری خایاند، تیایدا به‌ڕێز لێپرسرا‌وی لق ئیدانه‌ی هێرشه‌كه‌ی توركیای كرد بۆ سه‌ر هه‌رێمی شه‌رناخ له كوردستانی باكو‌ور‌و، دا‌واشی كرد كه پێویسته وتاربێژه‌كانی سنوره‌كه ئه‌‌و بابه‌تانه بۆ ها‌وڵاتیان ر‌وون بكه‌نه‌‌وه، ههروهها ئاراسته‌كانی مه‌كته‌بی ته‌نفیزی خوێنده‌‌وه.
له به‌شێكی دیكه‌ی كۆبوونه‌وه‌كه‌دا، خشته‌ی ساڵی نوێ ی ده‌‌وامكردنی نا‌و باره‌گای لقی ڕاگه‌یاند‌و، ئاماژه‌ی به كار‌و چاڵاكیه‌كانی یه‌كێتی زانایان كرد له ما‌وه‌ی ساڵی رابرد‌و‌ودا‌و، ههروهها تیشكی خسته سه‌ر گرنگیدان به بواری كارگێڕی له هه‌مو‌و دامه‌زرا‌وه‌یه‌كدا .
| 
