راگههاندنا لقێ زاخۆ:
د ههژمارهك چالاكیاندا، ژ بو زێدهبینا پهیوهندیێ دناڤبهرا ئێكهتیا زانایانو رێڤهبهریا ئهوقافا زاخو، ل روژا ئێكشهمبێ رێكهفتی 22/4/2012 ل دهمژمێر 10 ی سپێدێ، شاندهكا بڵند ژ ئێكهتیا زانایێن ئاینی ئیسلامێ لقی زاخۆ، كو پێكهاتبی ژ رێزداران بهرپرسو، چهند گارگێرێن لقێ سهرهدانا رێڤهبهریا ئهوقافا زاخۆ كرن و، هاتنه پێشوازیكرن ژلایێ رێڤهبهرێ ئهوقافا زاخۆڤه رێزدار مهلا سهعید وكارمهندێن رێڤهبهریا ئهوقافا ناڤبری.
ههژی گۆتنێیه: كو ههر دڤی رۆژیدا، ئو ل دهژمێر 11ی سپێدێ، شاندا ناڤبری ب ههڤالینیا رێزدار رێڤهبهرێ ئهوقافێ، ب مهبهستا پیرۆزباهیكرنا ب دوماهیك ئینانا خولهكا فێربونا خواندنا قورئانا پیرۆز، سهرهدانا بارگایێ ئێكهتیا ئافرهتێن كوردستانێ ل زاخۆ كرو، د رێوڕهسمهكا تایبهتدا خهلات هاتنه دابهشكرن ل سهر پشكدارێن خولێو، ژلایی خۆڤه بهرپرسێ لقامه دهستخوشێ ل رێڤهبهرو پشكداربوێن خولێ كرو، داخاز كر ئهڤ خولێن هه بهردهوام ههبن ، بو فێركرنا قورئانا پیروزو، چهندهكێ ل سهر خێرا خاندن وفێركرنا قورئانێ دیاركر.
ژ لایهكادیڤه، ل روژا دووشهمبێ رێكهفتی 23/4/2012ێ شاندهك ژ ئێكهتیا زانایێن ئاینێ ئیسلامی لقێ زاخۆو، رێڤهبهریا ئهوقافا زاخۆ سهرهدانا قوتابخانا نمونهیی ل زاخو كرن و، هاتنه پێشوازیكرن ژ لایێ رێڤهبهرێ قوتابخانێ و ماموستایێن قوتابخانێ.و، د وتارهكێدا ل ماوێ دهمژمێرهكیدا، رێزدار بهرپرسێ لقامه گرنگیا زانستێ بو قوتابیاو پهروهردهكرنا وان لسهر رهوشێ جوان دیاركر .
ههروهسا ل روژا سێ شهمبێ رێكهفتی 24/4/2012ێ شاندهك ژ لقامه سهرهدانا قوتابخانا دواناوهندیا ئیسلامی ل زاخۆ كرن و، هاتنه پێشوازیكرن ژلایێ ریڤهبهرێ قوتابخانێ ڤه رێزدار مهلا إدریس علی و، مامۆستایێن قوتابخانێ، د دانیشتنهكێدا، شاندێ لقامه دهستخۆشی ل كارخزمهتێ وان كرو، داخازا سهركهفتنێ بو وان خاست.
|