ئه‌میر گه‌ردی/ میسر:
له‌ میانه‌ی خولی رۆشنبیری زانایانی ئایینی هه‌رێم، كه‌ له‌ زانكۆی ئه‌زهه‌ری شه‌ریف، به‌سه‌رپه‌رشتی یه‌كێتی زانایانی ئایینی ئیسلامی كوردستان، له‌ قاهیره‌ی پایته‌ختی میسڕ به‌ڕێوه‌ده‌چێت، چه‌ندین زانست‌و وانه‌و بابه‌تی نوێ‌‌و سه‌رده‌می له‌لایه‌ن پسپۆڕان‌و كه‌سایه‌تیه‌ دیاره‌كانی زانكۆی ناوبراو پێشكه‌شراوه‌، كه‌ دیارترینیان: (علم اداره‌ المساجد)‌و، وۆرك شۆپی بابه‌ته‌ ئاینیه‌كانه‌.

ئه‌مه‌و له‌ ماوه‌ی دوو رۆژی رابردوودا، چۆنیه‌تی به‌ڕٍێوه‌چوونی وانه‌كانی خوله‌كه‌ به‌م شێوه‌یه‌ بوو:
رۆژی چوارشه‌ممه‌ 9\4\2012 له‌لایه‌ن به‌ڕێز دكتۆر خالید محمود حمایه‌ مامۆستا له‌ زانكۆی ئه‌زهه‌ر‌و پێشنوێژو وتارخوێنی مزگه‌وتی (سوڵتان حه‌سه‌ن) له‌ قاهیره‌، بابه‌نێك به‌تیرو ته‌سه‌لی له‌ ژێر ناونیشانی (الدوله‌ المدنیه‌)، له‌ ماوه‌ی 2 كاتژمێرو نیودا پێشكه‌ش كرد، دواتر له‌ لایه‌ن به‌ڕێز دكتۆر عبدالفتاح عبدالغنی العوار مامۆستای ته‌فسیرو علوم الحدیپ له‌ زانكۆی ئه‌زهه‌ر، وانه‌یه‌كی له‌ ژێر ناوی (التفسیر التحلیلی) پێشكه‌شكرد.

له‌ رۆژی پێنجشه‌ممه‌ 10\5\2012 له‌لایه‌ن به‌ڕێز دكتۆر محمد رأفت عثمان مامۆستای (فقه‌ المقارن) له‌ كۆلێژی شه‌ریعه‌و، راگری پێشووی هه‌مان كۆلێژو، ئه‌ندامی (مجمع البحوپ العلمیه‌) له‌ زانكۆی ئه‌زهه‌ر، له‌ ژێر ناونیشانی (قضایا معاصرة) بابه‌تێك له‌سه‌ر (الاستنساخ) كۆپی كردنی مرۆڤ پێشكه‌شكرا ، پاشان له‌لایه‌ن به‌ڕێزدكتۆر أحمد معبد مامۆستای (علوم الدیث) له‌ زانكۆی ناوبراو، وانه‌یه‌ك پێشكه‌شكرا له‌ ژێر ناونیشانی (الحدیث التحلیلی)، دواتر له‌لایه‌ن به‌ڕێز دكتۆر حسن فرحات مامۆستای زانكۆی ناوبراو، بابه‌تێك له‌ ذێر ناونیشانی (علم اداره‌ المساجد) پێشكه‌شكرا‌و، جێگای سوودو ره‌زامه‌ندی زانایانی به‌شداربووی خوله‌كه‌بوو.