راگه‌یاندنی لق

له‌ به‌رواری 17/12/12 20 له‌باره‌گای لق،به‌ ئاماده‌بوونی به‌رێوه‌به‌ری ئه‌وقافی راپه‌رین به‌ڕێزان مامۆستا مه‌لا غه‌ریب‌و،به‌ڕێوه‌به‌ری راگه‌یاندنی مه‌ڵبه‌ندی ئیداره‌ی راپه‌رین مامۆستا حمدامین كۆبونه‌وه‌یه‌ك  له‌گه‌ڵ  به‌رپرسی لق مامۆستا مه‌لا عبدالله ی زه‌نگل به‌رێوه‌چوو.

ئه‌مه‌و مه‌به‌ستی له‌ كۆبوونه‌وه‌كه‌ گفتوگۆكردن بوو له‌سه‌ر  ئه‌نجامدانی سیمینارێك بۆ ژماره‌یه‌كی زۆر له‌ زانایانی ده‌ڤه‌ری بیتۆین و پشده‌ر ، بۆ ئاشنا بوون له‌ ره‌وشی ئه‌مرۆو، كێشه‌و پێشهاته‌كان كه‌ زیاتر روو له‌ زانایان ده‌كات دواتر خه‌لكی تر، وه‌ زیاتر به‌رچاو روونی بدرێت به‌ مامۆستایانی ئایینی و له‌ گرفته‌ كانیان بكۆڵدریته‌وه‌.

له‌ لایه‌كی دیكه‌وه‌، له‌ به‌رواری (18/12/2012)  ژماره‌یه‌ك له‌ ئه‌ندامانی لق‌و به‌شێك له‌ ئه‌ندامانی لێژنه‌ی فه‌توای لق له‌ نیوه‌رۆخوانێكدا سه‌ردانی شاعیری ناوداری كوردستانی رۆژهه‌ڵات (ئیران) كاك سید علی یان كرد.

ئه‌مه‌و ناوبراو كه‌ له‌سه‌ره‌تاكانی ژیانی فه‌قێیه‌تی خوێندووه‌و، تائێستا چه‌ندین شیعری میللی داناوه‌و، چه‌ندین شیعری له‌به‌ر ده‌ست دایه‌.