ڕاگەیاندنی لقی چەمچەماڵ سەر لە بەیانی ڕۆژی یەك شەممە 30/12/2012 بەسەرپەرشتی لێپرسراوی لق مامۆستا وهاب عمر سەنگاوی و ئامادەبوونی سەرجەم كارگێر لق و لێپرسراوو ئەندامانی ناوچەكان و چەند ئەندامێكی لیژنەی فەتوا لقی چەمچەماڵ كۆبوونەوەیەكی فراوانی ئەنجامدا كە كۆتا كۆبونەوەی ساڵی 2012 بوو . بەم شێوەیەی لای خوارەوە : یەكەم / لە پاش قورئان خوێندن و پاڕانەوە، لێپرسراوی لق لەسەر ئەم چەند خاڵە قسەی كرد : - دەست خۆشی كرد لە ستافی لق بۆ ئەرك و ماندوبونیان لەم ساڵەدا و جەختی كردەوە لە بەردەوامبوون و دڵسۆزی زیاتر لە ساڵی نوێ دا . - داوای كرد كە هەماهەنگی تەواو بكرێت لەگەڵ دام و دەزگاكانی سنورەكە بە تایبەت لەگەڵ بەڕێوەبەرایەتی ئەوقافی گەرمیان . - دوپاتی كردەوە كە لە ساڵی ئایندەدا كاروچالاكییەكان زیاتر پەرەی پێ بدرێت و بەرنامەی تازە دانرا لە پێناو زیاتر خزمەتكردنی پەیامی زانایان و خاك و نیشتمان و خەڵكی سنورەكە بە گشتی . دووەم / هەموو كارگێڕانی لق ڕاپۆرتی بەشەكانیان خوێندەوە و تیشكیان خستە سەر كاروچالاكییەكان لە ماوەی ساڵی ڕابردودا . سێیەم / لێپرسراوی ناوچەكان ڕاپۆرتی ناوچەیان خوێندەوەو چەند سەرنج و تێبینییەكیان خستە ڕوو . چوارەم / سەرجەم ئەندامانی ناوچە و لیژنەی فەتوا چەندین پێشنیار و داواكاری و ڕەخنە و تێبینییان ئاراستەی لێپرسراو و كارگێڕانی لق كرد و ئەوانیش بە سنگی فراوانەوە وەڵامیان دانەوەو دڵخۆش بوون بەوەی كە زانایانی سنورەكە ئەیانەوێت كاروباری لقی چەمچەماڵ بەرەوپێش بچێت . پێنجەم / لەكۆتاییدا سەرجەم ئامادەبوانی كۆبوونەوەكە لەبارەگای لق مانەوەو بەجەماوەری لەسەر خوانی لقی چەمچەماڵ نانی نیوەڕۆیان خوارد . |