ڕاگه‌یاندنی لقی هه‌ولێر: مه‌عروف مه‌لا عولا روستایی لیژنه‌ی فه‌توای لقی هه‌ولێر، هه‌موو ڕۆژانی [ دووشه‌ممه و پێنج شه‌ممه ] له‌باره‌گای لقی هه‌ولێری یه‌كێتی زانایانی ئاینی ئیسلامی كوردستان، له مزگه‌وتی صواف دانیشتنی خۆیان به‌رێوه‌ده‌به‌ن‌و، خه‌ڵكانێكی زۆر سه‌ردانی ئه‌م لیژنه‌یه ده‌كه‌ن ، به‌مه‌به‌ستی چاره‌سه‌ركردنی كێشه كۆمه‌ڵایه‌تیه‌كانیان ، له‌ڕێگای شه‌ریعه‌تی ئیسلامه‌وه .به‌رپرسی لێژنه‌ی فه‌توای لقی هه‌ولێر مامۆستا مه‌لا ئه‌نوه‌ر سێبیرانی، به نووسراوێكی فه‌رمی له به‌رواری 2/1/2013، پێی ڕاگه‌یاندین كه ئاماری كار‌و چاڵاكییه‌كانی لیژنه‌ی فه‌توای لقی هه‌ولێڕ له سالی 2012 واته ( 1 / 1 / 2012 تاوه‌كو 31 / 12 / 2012 )زاینی. به‌م شێوه‌ی خواره‌وه‌یه:- 1- ( 405) كێشه‌ی ته‌ڵاق خواردن‌و، سوێند خواردن به‌ته‌ڵاق . 2- (125) ته‌لاقدان، كه نووسراو كراوه بۆ دادگای هه‌ولێر . 3- (170) كێشه‌ی خولع . 4- (170) ماره‌بڕین . 5- (100) كێشه‌ی زیهار . 6- (110) كێشه‌ی میرات . 7- (110) پرسیار ده‌رباره‌ی كێشه‌ی كرین‌و فرۆشتن 8- (145) پرسیار ده‌رباره‌ی سولفه‌ی خانووبه‌ره . 9- (60) كێشه‌ی شیر خواردن . 10- (155) پرسیار ده‌رباره‌ی كرین سه‌یاره‌‌و، كه‌لوپه‌ل به‌قیست . 11- (9) كه‌س له به‌رامبه‌ر لیژنه‌ی فه‌توای هه‌ولێر موسڵمان بوونی خۆیان ڕاگه‌یاندووه . به‌م پێیه كۆی ئه‌م كێشه‌‌و داواكارییانه‌ی كه له لێژنه‌ی فه‌توای لقی هه‌ولێر یه‌كلایی كراونه‌ته‌وه گه‌یشتوته ( 1559) داواكاری‌و، هه‌ریه‌كه‌یان دوای به‌دواداچوون‌و گرتنه‌به‌ری رێگای شه‌رعی چاره‌سه‌ر‌و ڕێوشوێنی تایبه‌تی بۆ ئه‌نجامدراوه. | 
