رۆژی چوارشه‌ممه‌ 23/1/2013 شاندێكی باڵای یه‌كێتی زانایان كه‌ پێكهاتبوو له‌ به‌رێزان: مامۆستا مه‌لا جه‌لال خه‌یلانی جێگری سه‌رۆكی یه‌كێتی زانایان‌و, مامۆستا مه‌لا نجم الدین وادی و مامۆستا مه‌لا احمد شافیعی و مامۆستا مه‌لا حمدامین كه‌لاری ئه‌ندامانی مه‌كته‌بی ته‌نفیزی و ژماره‌یه‌ك له‌ مامۆستایانی ئایینی ناوچه‌ جیاجیاكانی كوردستان به‌شداری كۆنگره‌ی (هه‌فته‌ی وه‌حده‌تی ئیسلامی) كرد له‌ تارانی پایته‌ختی كۆماری ئیسلامی ئێران. ئه‌مه‌و شاندی ناوبراو له‌ رۆژی پێنجشه‌ممه‌ 24/1/2013 له‌ هۆڵی سازمانی فه‌رهه‌نگ‌و په‌یوه‌ندی ئیسلامی له‌ تاران، به‌ سه‌رپه‌رشتی دكتۆر محمد ده‌هشیری سه‌رۆكی ده‌زگای ناوبراو رۆژی یه‌كه‌می كۆنگره‌كه‌یان ده‌ست پێكردو، تیایدا به‌ڕێز جێگری سه‌رۆكی یه‌كێتی زانایان وته‌یه‌كی پێشكه‌شكردو، باسی له‌ گرنگی یه‌كریزی و وه‌حده‌ت كردو، جه‌ختی له‌سه‌ر زه‌روره‌تی ده‌ستوه‌رنه‌دانی وڵاتانی دراوسێ‌ كرده‌وه‌ له‌ كاروباری وڵاتانی دیكه‌وه‌، به‌ تایبه‌ت سوریاو عێراق‌و، په‌یوه‌ندیه‌كانی نێوان حكومه‌ت هه‌رێم و حكومه‌تی فیدڕاڵی‌و، سه‌رنجی ئاماده‌بووانی راكێشاو به‌ سه‌رنج و تێبینیه‌وه‌ به‌شداریان كرد. دواتریش له‌ رۆژی دووه‌می كۆنگره‌كه‌، به‌ڕێز دكتۆر شكۆهی كه‌سایه‌تی ناسراو ‌و مامۆستای زانكۆی تاران وتارێكی سه‌باره‌ت به‌ دۆخی جیهانی ئیسلامی‌و رێكخراوه‌ ته‌بشیریه‌كان باسكردو، وێڕای باسكردنی دۆخی هه‌ریه‌ك له‌ كوردستان‌و عێڕاق‌و سوریا. كه‌ له‌ لایه‌ن خۆیه‌وه‌ به‌ڕێز جێگری سه‌رۆكی یه‌كێتی زانایان سه‌باره‌ت به‌ هه‌رێمی كوردستان راشكاوانه‌ هه‌ندێك وه‌ڵام‌و تێبینی په‌یوه‌ست به‌ هه‌رێمی كوردستان پێشكه‌شكرد، هه‌روه‌ك به‌ڕێز مامۆستا مه‌لا حمدامین كه‌لاری ئه‌ندامی مه‌كته‌بی ته‌نفیزی‌و به‌رپرسی لقی گه‌رمیانی یه‌كێتی زانایانی ئایینی ئیسلامی كوردستان وته‌ی پێشكه‌شكردو سه‌رنجی ئاماده‌بووانی سه‌باره‌ت به‌ كوردستان‌و په‌یوه‌ندی له‌گه‌ڵا وڵاتانی دراوسێ‌ راكێشا. شایانی باسه‌: كۆنگره‌كه‌ دوو رۆژی خایاندو، شاندی باڵای یه‌كێتی زانایان له‌ رۆژی 26/1/2013 گه‌ڕایه‌وه‌ خاكی هه‌رێم.