بە سەرپەرشتی مەلا خالد مەلەكی بەرپرسی لقی سۆران و بە ئامادە بوونی مەلا وەیسی بەرێوەبەری ئەوقافی سۆران كۆبوونەوەی مانگانەی لقی سۆران سازكرا، كە كارگێرو ئەندامانی لق و بەرپرسی ناوچەكان ئامادە بوون . سەرەتا باس لە بارودۆخی ئەمرۆی كوردستان و ڕۆلی زانایانی كرا لەم قۆناغەدا، داوا كرا هەمیشە زانایان فاكتەری سەرەكی بن لە بڵاوكردنەوەی گیانی برایەتی و خۆشەویستی و ، وتارەكانیان لە ئاست داخوازی خەڵك بن و دوور بن لە هەر تەشهیرو ناوزڕاندنێك. لە تەوەرێكی دانیشتنەكەدا باس لە هەماهەنگی و هاوكاری نێوان یەكێتی زانایان و ئەوقاف كرایەوە ، بۆ ئەم مەبەستەش بڕیار درا بەهەماهەنگی لەگەل ئەوقافی سۆران چەند ئاهەنگێكی ئایینی ساز بكرێن و بە بۆنەی یادی (اسراو و معراج) لەگەل كردنەوەی (18) خولی فێربوونی قورئانی پیرۆز لە مزگەوتەكان لەماوەی پشووی هاوینی. لەكۆتاییدا بەچەند بڕیارێك كۆتایی بە كۆبوونەوەكە هات. لقی سۆران عومرەكارانی سنوورەكەی بەسەر دەكاتەوە بە مەبەستی بەخێرهێنانەوەو پیرۆزبایی لێكردنیان ، شاندێكی لقی سۆران بە سەرۆكایەتی مەلا خالد مەلەكی بەرپرسی لق و كارگێران و بەرپرسی ناوچەكان و بەرێوەبەری ئەوقافی سۆران ، ماڵی چەند مامۆستایێكی ئایینی و كەسایەتی و چەند هاوڵاتیێك بەسەر كردەوە كە سەفەری عومرەیان كردبوو، وێرای پیرۆزبایی ، بەخێرهاتنەوەو دوعای قبول بوونی عومرەكانیان بۆ خواست ، لای خۆشیانەوە عومرەكاران سوپاسی شاندی لقی سۆرانیان كرد بۆ ئەو سەردانە . لەلایێكی ترەوە هەمان شاند چەند شوێنێكیان بەسەركردەوەو ئامادەی چەند پرسەیێك بوون. |