دانا مەلا حەمەئەمین - گەرمیان : بەبۆنەی مانگی ڕەمەزانی پیرۆزو بەلەبەرچاوگرتنی ئەرك و ماندوبونیان ئیوارەی رۆژی 24/7/2013 ئیدارەی گەرمیانی حكومەتی هەریمی كوردستان ئیوارە خوانیكی بەربانگ كردنەوەی بۆ تەواوی زانایانی ئاینی سنوری گەرمیان ڕێكخست ... لەو ئیوارە خوانەدا كە صلاح كویخا سەرپەرشتیاری ئیدارەی گەرمیان و مامۆستا سەلام تاوگۆزی بەرپرسی لقی یەكیتی زانایان بەوەكالەت و ستافی لق و بەرپرسانی ئەوقاف لە ناوچەكە ئامادەی بوون دیاری تایبەت پیشكەش بە زانایانی ئاینی كرا و پاداشت كران لەو بارەیەوە بەڕێز مامۆستا مەلا سەلام تاوگۆزی لێپرسراوی لقی گەرمیانی یەكێتی زانایان بەناوی خۆی و لقەكەیەوە سوپاسی سەرپەرشتیارو ئیدارەی گەرمیانی كرد بۆ پشتیوانیە بەردەوامەكانی لە زانایانی ئاینی و بایەخ پێدانیان . |