هه‌ر به‌رده‌واميدان بـ وان سمينارێت ئايينى ئه‌وێت رێڤه‌به‌ريا گشتى ورێڤه‌به‌ريا ئه‌وقافا قه‌زا دهوكێ بـ هه‌ڤكارى دگه‌ل ئێكه‌تيا زانايێن ئايينێ ئيسلامێ لقێ دهوك ئاماده‌كرين لـ چه‌ند مزگه‌فتێن دهوكێ لـ شه‌ڤێن دوماهيا مه‌ها ره‌مه‌زانا پيروز پشتى ته‌راويحان بێنه ئه‌نجامدان.. لـ روژا ئێك شه‌مبى رێكه‌فتى 3 / 8 / 2013ێ ماموستا (ملا خالد صابر) پێش نڤێژێ مزگه‌فتا (التقوى) لـ كومه‌لگه‌ها دوميز.. .. سميناره‌ك پێشكێش كر لـ مزگه‌فتا (سيد محمد وه‌رمێلى) لـ مالطا خارێ.. بابه‌تێ سمينارێ (ئه‌م بوچى هاتينه ئافراندن)، دڤێ سمينارێدا ماموستاى مه‌ره‌م و ئه‌گه‌رێ چێكرنا خودێ ته‌عالا بو مروڤايه‌تيێ دياركر، ئه‌و مه‌ره‌م ژى هه‌ر بو په‌رستنا ويه بتنێ بێ شريك وبێ هه‌ڤال هه‌روه‌كى خودايێ مه‌زن كه‌ره‌م دكه‌ت ودبێژيت : { وَمَا خَلَقْت الْجِنّ وَالْإِنْس إِلَّا لِيَعْبُدُونِ }، ئه‌ڤجا هه‌ر كاره‌ك وكرياره‌ك وبه‌رستنه‌كا هه‌بيت دڤێت بتنێ بو خودايێ مه‌زن بيت.. ولـ دوماهيێ خه‌لكێ ڤێ گه‌ره‌كێ سوباسى وده‌ست خوشى لـ ماموستاى كرن بو ڤێ سمينارا گرنك و بـ مفا.. هه‌ر به‌رده‌واميدان بـ وان سمينارێت ئايينى ئه‌وێت رێڤه‌به‌ريا گشتى ورێڤه‌به‌ريا ئه‌وقافا قه‌زا دهوكێ بـ هه‌ڤكارى دگه‌ل ئێكه‌تيا زانايێن ئايينێ ئيسلامێ لقێ دهوك ئاماده‌كرين لـ چه‌ند مزگه‌فتێن دهوكێ لـ شه‌ڤێن دوماهيا مه‌ها ره‌مه‌زانا پيروز پشتى ته‌راويحان بێنه ئه‌نجامدان.. لـ روژا ئه‌ينى رێكه‌فتى 2 / 8 / 2013ێ ماموستا (ملا سمير عارف) پێش نڤێژ و وگوتارخينێ مزگه‌فتا (سعيد پيران) لـ تاخێ روناهى .. سميناره‌ك پێشكێش كر لـ مزگه‌فتا (كومه‌لگه‌ها به‌روشكێ) هه‌ر لـ كومه‌لگه‌ها به‌روشكێ.. بابه‌تێ سمينارێ (به‌خته‌وه‌رى)، دڤێ سمينارێدا ماموستاى به‌حسى نهێنى وكليلكا به‌خته‌وه‌ريێ كر و كا چه‌وا مروڤێ موسلمان دێ شێت به‌خته‌وه‌ر ژيت وبـ ده‌ست خوڤه ئينيت لـ سه‌ر دونيايێ به‌رى مرن لـ سه‌ردا بێت داكو يێ به‌خته‌وه‌ر بيت ده‌مێ دكه‌نه د گورێ تارى و ته‌نك دا وديسا يێ به‌خته‌وه‌ر بيت لـ روژا دوماهيێ ژى، ئه‌و نهێنى ژى ئه‌نجامدان وگوهداريا فه‌رمانێت خودايێ مه‌زنه ولـ ديف چونا رێكا بێغه‌مبه‌رێ ويه (محمد)ى سلاڤ لێبن .. ولـ دوماهيێ ماموستاى چه‌ند دوعا كرن بو موسلمانان گشت ودوبات لـ هندێ كر كو چجارا رێكا خودێ ته‌عالا به‌رنه‌ده‌ين ژبه‌ركو هه‌ر ئه‌وه موسلمان پێ به‌خته‌وه‌ريێ دبينيت وتام دكه‌تێ.. راگه‌هاندنا لقێ دهوك زانايان . | 
