ڕاگەیاندنی لقی هەولێر: مەعروف مەلا عولا روستایی لیژنەی فەتوای هەولێر، هەموو ڕۆژانی [دووشەممە و پێنج شەممە] لە بارەگای لقی هەولێری یەكێتی زانایانی ئاینی ئیسلامی كوردستان، لە مزگەوتی صواف دانیشتنی خۆیان بەرێوە دەبەنو، خەڵكانێكی زۆر سەردانی ئەم لیژنە دەكەن، بە مەبەستی چارەسەركردنی كێشە كۆمەڵایەتیەكانیان ، لە ڕێگای شەریعەتی ئیسلامەوە . بەرپرسی لێژنەی فەتوای هەولێر مامۆستا مەلا ئەنوەر سێبیرانی، بە نووسراوێكی فەرمی لە بەرواری 20 / 1 / 2014 ، پێی ڕاگەیاندین كە ئاماری كارو چاڵاكییەكانی لیژنەی فەتوای هەولێڕ لە چوار مانگەی ڕابردوو واتە ( 1 / 9 / 2013 تاوەكو 31 / 12 / 2013 ) زاینی . بەم شێوەی خوارەوەیە:- 1- ( 102) كێشەی تەڵاق خواردن . 2- (53) تەلاقدان، كە نووسراو كراوە بۆ دادگای هەولێر . 3- (45) كێشەی خولع . 4- (45) كێشەی دووبارەكردنەوەی مارەبڕین . 5- (30) كێشەی میرات . 6- (35) پرسیار دەربارەی كێشەی كرینو فرۆشتن 7- (50) پرسیار دەربارەی كرین كەلو پەل بەقیست . 8- (60) پرسیار دەربارەی سولفەی خانووبەرە . 9- (34) كێشەی شیر خواردن . 10- ( 5 ) ئیسلام بوون بەم پێیە كۆی ئەم كێشەو داواكارییانەی لە لێژنەی فەتوای هەولێر یەكلایی كراونەتەوە گەیشتوتە (459) داواكاریو هەریەكەیان دوای بەدوادا چوونو گرتنەبەری رێگای شەرعی چارەسەرو ڕێوشوێنی تایبەتی بۆ ئەنجامدراوە . |