روژا چوارشه‌مبی رێكه‌فتی 5/3/2014 ێ مزگه‌فتا (بێسرێ) هاته‌ ڤه‌كرن بـ ئاماده‌بونا به‌رێز ( ملا أنس محمد شریف) سه‌روكێ لقێ دهوك یا ئێكه‌تیا زانایێن ئاینێ ئیسلامێ‌و ئه‌ندامێ په‌رله‌مانێ كوردستان‌و به‌ڕێز(ملا جهاد حسن بێسفكی) رێڤه‌به‌رێ ئه‌وقافا قه‌زا دهوكێ.

ئه‌ڤ مزگه‌فتا هاتیه‌ دروستكرن ژلایێ خه‌لكێ گوندی‌و چه‌ند خێرخازان ڤه‌.

وه‌ك باشترین ده‌ستپێك چه‌ند ئایه‌تێت قورئانێ هاتنه‌ خاندن‌و، پاشان په‌یڤا بخێرهاتنێ هاته‌ گوتن ژلایێ گوتارخینێ مزگه‌فتێ ڤه‌ تێدا كه‌یفخوشیا خو دیاركر بـ ئاماده‌بونا هه‌ردوو به‌رێزان، دیسان ئاماژه‌دا بـ خه‌مخوریا خه‌لكێ گوندی بو ڤی پروژێ پیروز

  پاشان ده‌لیڤه‌ هاته‌ دان بو گوتنا په‌یڤا رێڤه‌به‌ریا گشتی‌و رێڤه‌به‌ریا ئه‌وقافا قه‌زا دهوكێ‌و ئێكه‌تیا زانایێن ئاینی لقێ دهوك ئه‌وا هاتیه‌ پێشكێشكرن ژلایێ ماموستا (مه‌لا جهاد بێسفكی) ڤه‌، تێدا ده‌ستخوشی لـ خه‌لكێ گوندی كرو گوت: ئه‌ڤ جوره‌ پروژه‌ باوه‌ری‌و ئیسلاما ڤی خه‌لكی دیاردكه‌ت‌و، هه‌رده‌م نه‌ته‌وێ كورد خو موسلمان زانیه‌و‌، دیسان ئاماژه‌ بـ پشتگیریا رێڤه‌به‌ریا ئه‌وقافێ بو ڤان خێرخازا كرو دابینكرنا هه‌ر پێداویستیه‌كێ بو ڤێ مزگه‌فتێ‌و ژخودێ مه‌زن خاست ڤی كارێ پیروز بوخو وه‌ربگریت‌و بكه‌ته‌ د میزانا باشێت ڤی خه‌لكیدا.

راگه‌هاندنا ئێكه‌تیا زانایان- لقێ دهوك