سهرلهبهیانی ڕۆژی دووشهممه 16/6/2014 بهمهبهستی له نزیكهوه ئاگاداربوون له دۆخی ئاوارهكانی سنوری جهلهولا و سهعدیه و شارهبان له شاری خانهقین و گهیاندنی كۆمهك و هاوكاری مرۆیی بۆیان و بهسهر كردنهوهی هێزهكانی پێشمهرگهی كوردستان له ناوچه كوردستانیهكانی دهرهوهی ههرێم شاندێكی فراوانی لقی گهرمیانی یهكێتی زانایانی ئاینی ئیسلامی كوردستان به سهرۆكایهتی مامۆستا مهلا حهمهئهمین كهلاری ئهندامی مهكتهبی تهنفیزی و لێپرسراوی لقی گهرمیان شاری خانهقین و شارۆچكهی جهلهولایان بهسهر كردهوه. له سهرهتادا شاندی لق له شاری خانهقین سهردانی ههر دوو مهڵبهندی 12 ی ڕێكخستنی خانهقینی یهكێتی نیشتمانی كوردستان و لقی خانهقینی پارتی دیموكراتی كوردستانی كردو له نزیكهوه له دۆخی سیاسی ناوچهكهیان كۆڵیهوه ... پاشان شاندی لق له نزیك گوندی بههاری تازه لهشاری خانهقین ئاوارهكانی ناحیهكانی جهلهولاو سهعدیهو شارهبان و دهوروبهریان له شاری خانهقین بهسهركردهوهو كۆمهك و هاوكاری لقی یهكێتی زانایانیان گهیانده ئاوارهكانو پاشان بهسهر تهواوی ئاوارهكاندا دابهشكرا. دواتر شاندی لق له درێژهی سهردانه مهیدانیهكهیاندا بهرهو شارۆچكهی جهلهولا بهڕێكهوتن و لهدهروازهی شارۆچكهكه هێزهكانی پۆلیسی گهرمیان و پێشمهرگهی كوردستانیان بهسهر كردهوهو له نزیكهوه لهگهڵ هێزه ئاسایش پارێزهكاندا كۆبونهوهو پشتگیری و پشتیوانی زانایانی ئاینی كوردستانیان پێ ڕاگهیاندن ههروهكو لێپرسراوی لقی گهرمیانی یهكێتی زانایان جهختی لهوه كردهوه كه پێویسته هێزهكانی پێشمهرگه ڕۆڵی ئهرێنی خۆیان ببینن و كهم تهرخهمی نهكهن له پاراستنی سهروماڵی هاوڵاتیان و ئاشتی كۆمهڵایهتی و ئاینی و نهتهوهیی له ناوچهكهدا بپارێزن و بهوریاییهوه مامهڵه بكهن و ڕێگه نهدهن خهڵكانێك بهناوی پێشمهرگهوه ناوی پێشمهرگه لهكهدار بكهن... ههروهها شاندی لق هێزهكانی ئاسایشی گهرمیانیان له سنورهكه بهسهر كردهوه كه بهمهبهستی پاراستنی سهروماڵی هاوڵاتیان له سنورهكهدا ئهرك دهبینن و بهههمان شێوه پهیامی یهكێتی زانایانیان پێ ڕاگهیاندن له بهرامبهریشدا ههریهكه له هێزهكانی پێشمهرگهو پۆلیس و ئاسایش خۆشحاڵی زۆری خۆیان بۆ بهسهركردنهوهی شاندی یهكێتی زانایان دهربڕی و وهكو پاڵپشتیهكی مهعنهوی گرنگ وهسفیان كرد. له گهڕانهوهدا و له سهر ڕێگای جهلهولا– خانهقین له چاوپێكهوتنێكی تهلهفزیۆنیدا له گهڵ كهناڵی حوڕهی بهریتانی مامۆستا حهمهئهمین كهلاری سهرۆكی شاندی یهكێتی زانایان ئامانجی سهردانهكهی خسته ڕوو و ههروهها پهیامی یهكێتی زانایان و مهلای كوردی لهبارهی دۆخی ناجێگیری ناوچهكهو عێراقهوه خسته ڕوو . دانا مهلا حهمهئهمین گهرمیان : |