روژا ئێكشهمبی رێكهفتی 3 / 8 / 2014ێ ئێكهتیا زانایێن ئیسلامێ لقێ دهوك لـ سهر كاودانێت نوكه یێت زور ههستیار و ئهو شهر و بهرتهنگیا خهلكێ كوردستانێ لـ دهڤهرێن (زومار وشنگال ورهبیعه) دهركر. دڤێ بهیاننامێ دا بهرێز (ملا أنس محمد شریف) سهروكێ ئێكهتیا زانایان لقێ دهوك و پهرلهمانتارێ كوردستانا فیدرال دیار كر كو ئهڤ چهندا ریددهت و ئهو كوشتن و تالانا دهێته كرن ژلایێ دهستهكێن داعش یێن چهپهل ڤه بـ ناڤێ ئیسلامێ چ پهیوهندیهك نینه دگهل رێبازا پێغهمبهری (سلاڤ لێبن) و نا گونجیت دگهل پهیاما پاقژا دینێ ئیسلامێ و دوره ژ رهوشتێن ههڤال وهوگرێن سهروهرێ پێغهمبهران ودیسان نه گونجایه دگهل پهیاما ئایینێن دیژی یێن ئاسمانی كو پهیاما ئاشتیێ و پێكڤه ژیانێیه .. ههروهسا ئاماژه و دوپات لـ وێ ئێكێ كر كو پێتڤی یه لـ سهر هاولاتیان بـ گشتی هاریكار و پشتهڤانێن پێشمهرگههێن مهیێن قههرهمان بن ئهوێن لسهنگهرێ شهری دا بهرهڤانیێ ژ وهڵات و خین ونامیس ومالێ مه دكهن .. راگههاندنا ئێكهتیا زانایان / لقێ دهوك |