ڕۆژی 22/9/2014 لە بارەگای لق مامۆستا نجم الدین قادر لێپرسراوی لقو كارگێڕانی لق پێشوازیان كرد لە بەڕێز كمال موسلیم وەزیری ئەوقافی حكومەتی هەرێمی كوردستان و شاندێكی یاوەری كەپێك هاتبون لە حاجی عگا عبداللە بەڕێوەبەری گشتی ئەوقافەكانی سلێمانی و حاجی عیرفان مەردان ڕاوێژكاری وەزیرو حاجی ئاكۆحسن صاڵح بەڕێوەبەری ئەوقافی سلێمانیو حاجی عبدالسمیع ڕاوێژكاری وەزارەت كە بە مەبەستی پیرۆزبایی ساڵیادی دامەزراندنی یەكێتی زانایان سەردانی بارەگای لقی سلێمانی زانایانی ئاینیان كردبوو. سەرەتا مامۆستانجم الدین قادر لێپرسراوی لق لە وتەیەكدا بە ناوی لقی سلێمانی یەكێتی زانایانەوە بەخێرهاتنی بەڕێزیانی كردو پیرۆزبایی دەست بە كاربونی لە بەڕێزیان كردو هیوای سەركەوتنی لە كارەكانی بۆخواستو بەسەر كردنەوەكەشی بەرز نرخاند. لە بەشێكی تری وتەكەیدا لێپرسراوی لق هیوای خواست كە وەزارەتی ئەوقاف ڕۆڵی زیاتری دڵسۆزانەی خۆی بخاتە كار لەپێناوخزمەتكردن بەمزگەوتەكانو زانایانی ئاینیو برەودان بە بیری میانەڕەوی لە كوردستان داو ئەوەی لەپێشتر نە هاتوەتەدی بەڕێزیان كاربكات بۆ بەدیهێنانیو دابینكردنی پێداویستیەكانی زانایانی ئاینی. دواتر بەڕێز وەزیری ئەوقاف لەوتەیەكداپیرۆزبایی ساڵیادی دامەزراندنی یەكێتی زانایانی لە هەموان كردو هیوای سەركەوتنی بۆخواستنو دووپاتی كردەوە كە وەزارەتی ئەوقافو یەكێتی زانایان دوو دامەزراوەن كە تەواوكەری یەكترنو پێویستە هەماهەنگی زیاترمان هەبێت لەپێناوخزمەتكردن بە ئاینی پیرۆزی ئیسلامو خاكو نیشتیمانی كوردەواریو بەڵێنی هەموو جۆرە كارئاسانیەكی بۆ دووپات كردنەوە بۆ زیاتر بەرەو پێشچوونی كارەكانی هەردولا دواترشاندی میوان بەڕێزەوە بەڕێكران |