رۆژا دووشه‌مبی (8-12-2014) ب ئاماده‌بونا ریزداران (مامۆستا عبدالله احمد محمد) به‌رپرسی لقی ئاكری یا ئیكه‌تیا زانایین ئایینی ئیسلاما كوردستانی و(جوهر حدی ناوخوش) ریڤه‌به‌ری ئه‌وقافا ئاكری‌و شانده‌كی مامۆستایین ئایینی‌و سه‌رپه‌رشتی مزگه‌فتان مزگه‌فتا (شه‌ره‌فونا مه‌زن) ل كوندی شه‌ره‌فونا سه ر ب ناحیا بجیل هاته‌ ڤه‌كرن كه‌ ژلایی خیرخوازان ڤه‌ هاتبوو ئاڤاكرن.

د رێوره‌سمه‌كێدا چه‌ند ئایه‌ته‌ك ژ قورئان پیرۆز هاتنه‌ خواندن و پاشان په‌یڤه‌كا ئایینی ژلایی ریزدار (مه‌لا محمد مه‌لا احمد الامام) هاته‌ پیشكه‌ش كرن كه‌ تیدا لسه‌ر دوو ته‌وه‌رین گرینك راوه‌ستیا خیرا ئاڤاكرنا مزگه‌فتان و دڤیت مزگه‌فت ببیته‌ جهی ئیكریزی‌و ته‌باهی‌و ئاشتیی‌و ژ لاییه‌كی دیڤه‌ بناڤی ریڤه‌به‌ریا ئه‌وقافا ئاكری‌و لقی ئاكری یا ئیكه‌تیا زانایان سوپاسیا خیرخوازان كر بۆ ڤی كاری پیرۆز.

یا هه‌ژی گوتنی یه‌ كه‌ مزگه‌فتا ناڤبری پیكهاتبوو ژ هوله‌كا مه‌زن بۆ نڤیژان و جهی نڤیژان بۆ ئافره‌تان و هوله‌كا بونین ئایینی و جهی ده‌ست نڤیژان كه‌ ل سه‌ر رۆبه‌ره‌كی مه‌زن هاتبونه‌ دروست كرن.

حاجی جابر – راگەیاندنی ئەوقافی ئاكرێ‌.

هـ بالیسانی